12-hadovaja dziaŭčynka złamała chrybiet padčas naviedvańnia cyrku ŭ Baranavičach
Paciarpiełyja dzieci za niekalki siekundaŭ da padzieńnia, fota Nadziei Jarašuk, Intex-press.by
Vypadak adbyŭsia ŭ Baranavičach 20 kastryčnika ŭ cyrku-šapito. Dziaciej u antrakcie katali na arelach.
Tros raptam abarvaŭsia, i troje dziaciej palacieli ŭniz z vyšyni niekalkich mietraŭ. Z traŭmami ich dastavili ŭ haradskuju balnicu. Siamihadovamu chłopčyku była akazana miedycynskaja dapamoha biez špitalizacyi. 12-hadovaj dziaŭčyncy nie pašancavała.
Pa słovach jaje mamy Jaŭhienii paśla praviadzieńnia abśledavańnia padazreńni miedykaŭ na pierałom chrybta paćvierdzilisia.
U dziaŭčynki złamanyja dva chrybietniki, joj nielha ruchacca, i nieviadoma, kolki času dzicia praviadzie na balničnym łožku.
«Učora ŭ balnicu prychodziŭ dyrektar cyrka, sprabavaŭ sa mnoj parazmaŭlać. Ale paśla taho, jak ja daviedałasia dyjahnaz, razmaŭlać ź im ja budu tolki ŭ sudzie! Ja chaču, kab jon pavodle zakona adkazaŭ za svaju chałatnaść», -- skazała Jaŭhienija.