Palitviazień Aŭtuchovič: Liču dni da vyzvaleńnia. Zastałosia 176
Białynicki žurnalist Barys Vyrvič 23 kastryčnika atrymaŭ list ad palitviaźnia Mikałaja Aŭtuchoviča z hrodnienskaj turmy №1. List Mikałaj napisaŭ 15 kastryčnika.
List paliviaźnia cytuje spring96.org:
«U mianie ŭsio pacichu. Ja liču dni. Zastałosia 176 dzion. Voś hetym i žyvu. Starajusia niejak nie reahavać na toje, što adbyvajecca na voli, bo tut chapaje svajho ŭsiaho. A niervy ŭžo, ledź trymajusia. Voś listy ad dobrych ludziej i padtrymlivajuć. Vielmi šmat enierhii dadajuć ludzi, dziakuj im usim! Ja zaŭsiody viedaju, što ja nie adzin. Napeŭna, tamu i trymajusia».
Mikałaj Aŭtuchovič — pradprymalnik z Vaŭkavyska, vieteran-«afhaniec». Upieršyniu byŭ aryštavany ŭ kastryčniku 2005 hoda. Jaho abvinavacili ŭ niavypłacie padatkaŭ i asudzili na try z pałovaj hady. Jon byŭ adnym z šaści palitźniavolenych, vyzvalenych u vyniku sankcyj ZŠA i ES.
Druhi raz Mikałaj Aŭtuchovič byŭ aryštavany 8 lutaha 2009 h.,
asudžany 6 maja 2010 h. Viarchoŭnym sudom Respubliki Biełaruś pa č. 3 art. 295 KK (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ) da 5 hadoŭ i 2 miesiacaŭ pazbaŭleńnia voli va ŭmovach strohaha režymu.
Rašeńniem suda ad 17 studzienia 2012 h. umovy adbyćcia pakarańnia byli źmienienyja na bolš žorstkija, pieraviedzieny z kałonii № 5 u Ivacevičach ŭ turmu № 1 h. Hrodna.
Vyjści na volu pavinien 9 krasavika 2014 h.
Mikałaj Aŭtuchovič. 230023, h.Hrodna, vuł.Kirava, 1, turma №1