Top-10 biełaruskich klipaŭ na YouTube: «Lapisy», Łanskaja i Maks Korž - videa
Abnoŭlena
«Naša Niva» vyličyła dziasiatku samych papularnych biełaruskich klipaŭ na YouTube.
Adrazu zaŭvažym, što całkam abjektyŭnaj takuju statystyku ličyć nielha -- kali b «Hości» «Krambambuli» vyjšli ŭ epochu bieźlimitnaha internetu, to być by im niedzie ŭ rajonie pieršaha miesca.
My ŭličvali, što ŭ rejtynh nie musić trapić bolej za adnu pieśniu adnaho vykanaŭca, inakš by Top składaŭsia vyklučna z «Lapisaŭ» i Maksa Karža. Kali vy, pavažanyja čytačy, zaŭvažycie, što my niešta ŭpuścili, to paviedamlajcie nam u kamientarach.
1. Lapis Trubiackoj «Žieleznyj» (2 635 131 prahlad)
Mienavita hetaja pieśnia abyšła pa papularnaści inšyja chity «Lapisa Trubiackoha», u tym liku klipy na pieśni «Ja vieriu» i «Nie być skotam». Vidać pryčyna ŭ tym, što pieśnia «Žieleznyj» uvajšła ŭ albom «Rabkor», chaj nie samy ŭdały ŭ dyskahrafii, adnak samy čakany za historyju hurtu.
2. Dźmitryj Kałdun - Korabli (1 628 156 prahladaŭ)
Pieśnia, jakaja letaś hučała z kožnaha prasa, maje klip, jaki tranślavali pa ŭsich mahčymych kanałach. Voś i karystalniki YouTube jaho zaŭvažyli i acanili. Možna pa-roznamu stavicca da Kałduna i jahonaj tvorčaści, ale fihura jon zaŭvažnaja.
3. Alena Łanskaja – Soleyoh (1 508 468 prahladaŭ)
U heta ciažka pavieryć, adnak na trecim miescy rejtynhu apynułasia pieśnia Aleny Łanskoj, ź jakoj taja adpraŭlałasia na Jeŭrabačańnie. Jašče pierad finałam konkursa havorka išła pra miljon prahladaŭ, ciapier ich paŭtara miljona. Dla paraŭnańnia, «lapisaŭski» «Nie być skotam» maje na 200 tysiač mieniej.
4. Maks Korž — V tiemnotie (1 354 309 prahladaŭ)
Abrać najpapularniejšy klip Maksa Karža ciažka -- jany ŭsie majuć za miljon prahladaŭ. «V tiemnotie» pakul u lidarach, ale chutka jaho dahonić «Žiť v kajf», jaki vyjšaŭ tydzień tamu, ale ŭžo ciapier maje pad 800 tysiač prahladaŭ.
5. 3+2 – Butterflies (727 268 prahladaŭ)
Jašče adzin klip ź Jeŭrabačańnia. Hurt 3+2 vystupaŭ na konkursie ŭ 2010 hodzie, i treba addać naležnaje – videa atrymałasia kudy hustoŭniejšaje za bolšaść klipaŭ udzielnikaŭ konkursa ad Biełarusi.
6. Sierieha i Dieti kapitana Hranta – Oskołki (725 995 prahladaŭ
Repiera Siarohu nielha nie ŭklučyć u śpis, choć jahonaja tvorčaść nakiravana chutčej na rasijski rynak. Darečy, jahonyja asnoŭnyja chity taksama vyjšli da vialikaj papularnaści YouTube. Adsiul i nie kožnamu znajomaja pieśnia ŭ rejtynhu.
7. Nastaśsia Vińnikava – I Love Belarus (466 255 prahladaŭ)
Jašče adzin klip, papularnaść jakoha napramuju źviazana ź Jeŭrabačańniem: asablivych pośpiechaŭ patryjatyčnaja pieśnia Vinikavaj na konkursie nie atrymała (dalej za paŭfinał Biełaruś tady nie prajšła), adnak 460 tysiač prahladaŭ taksama vynik niebłahi.
8. Fryk-kabare bend «Sieriebrianaja Svad́ba» – Čiornaja riečka (176 913 prahladaŭ)
A voś sapraŭdnyja hieroi andehraŭnda – Śviatłana Bień sa tavaryšy zasłužana ličacca adnym z samych cikavych hurtoŭ sučasnaści. 176 tysiač, z ulikam taho, što «Sieriebrianaja Svad́ba» heta, skažam tak, nie pop-hurt, vynik vyhladaje bolej čym upeŭniena.
9.Biez Bileta – Bajkonur 86 ( 121 175 prahladaŭ)
A voś i hieroi biełaruskaha pop-roka – hurt Vitala Artysta maje svaju aŭdytoryju, źbiraje Pałac sportu, i na YouTube jaho prychilniki zachodziać. Z usich videa hurtu «Bajkanur» nabraŭ najbolšuju kolkaść prahladaŭ.
10. Litesound — See you in Vegas (111 380 prahladaŭ)
Klip jašče adnych udzielnikaŭ Jeŭrabačańnia, adnak heta nie konkursnaja pieśnia. Darečy, za hety klip hurt paśpieŭ atrymać Nacyjanalnuju muzyčnuju premiju. Siužet tut nie mienš cikavy, čym pieśnia.
11. Alaksandr Saładucha — Zdravstvuj, čužaja miłaja (105 828 prahladaŭ)
Lehiendarnaja pieśnia Alaksandra Saładuchi, jakuju jon spraviadliva ličyć svaim hałoŭnym chitom, zastajecca najpapularniejšaj na YouTube – jaje aficyjny klip nabraŭ navat bolej prahladaŭ, čym vystup Saładuchi ŭ minskim pierachodzie. Darečy, tut možna ŭbačyć Saładuchu z daŭhimi vałasami i z baradoj.
12. The Toobes — What Do You Want (96 965 prahladaŭ)
Jašče adzin zasłužany rok-hurt apošniaha času: papularnaść The Toobes u Polščy navat vyšejšaja, čym u Biełarusi. Cikavy vynik, asabliva dla hurtu, jaki dušoj zastaŭsia ŭ załatych brytanskich 70-ch.
13. Krambambula Hości (64 491 prahlad)
Sapraŭdny chit na telebačańni i nie tolki ad Lavona Volskaha vyjšaŭ jašče da taho, jak ludzi pačali šukać lubimyja klipy na YouTube. Tym nie mienš, značnaść «Haściej», jakich śpiavajuć navat u dvarach spalnych rajonaŭ, lišni raz i apisvać nie treba.