Źnikłaha ŭ Smarhoni 11-hadovaha chłopčyka znajšli ŭ Maładziečnie praz šeść dzion
Jak i padazravałasia, jon uciok z doma.
Šaścikłaśnika zaŭvažyli ŭ maładziečanskim supiermarkiecie.
Dziaŭčynka paznała jaho pa aryjenciroŭcy ŭ Internecie i paviedamiła maci, a taja źviazałasia z pravaachoŭnikami i vałanciorami pošukava-vyratavalnaha atrada «Anioł».
Achoŭniki kramy paćvierdzili, što nieadnarazova bačyli chłopčyka, jaki padobny da źnikłaha. Supracoŭniki milicyi znajšli jaho ŭ dvary najbližejšaha šmatpaviarchovika.
Jak uciakač rastłumačyŭ supracoŭnikam pravaachoŭnych orhanaŭ, u dzień źniknieńnia (23 kastryčnika) jon sieŭ u ciahnik i źjechaŭ u Maładziečna. Načavaŭ u padjezdach žyłych damoŭ, dniom znajomiŭsia z adnahodkami i tyja padkormlivali jaho ceły tydzień.
Źbiehčy sa škoły i doma chłopčyk rašyŭ paśla taho, jak razmalavaŭ ścieny ŭ škole i dyrektar pravioŭ ź im prafiłaktyčnuju hutarku.
Chłopčyk vučycca ŭ škole sa spartovym uchiłam, na ŭliku ŭ ISN nie znachodzicca. Jaho siamja charaktaryzujecca stanoŭča.
Pavodle infarmacyi pravaachoŭnikaŭ, dzicia schilnaje da vandravańnia, ź siami hadoŭ jon nieadnarazova sychodziŭ z doma.