Trahična zahinuła 25-hadovaja pravaabaronca Viktoryja Staraścienka
Dziaŭčynu źbiŭ hruzavik na piešachodnym pierachodzie ŭ Minsku.
Viktoryja Staraścienka, fota spring96.org.
Siońnia ŭ Minsku trahična zahinuła 25-hadovaja pravaabaronca Viktoryja Staraścienka, siabra praŭleńnia hramadskaha abjadnańnia «Centr pa pravach čałavieka», paviedamlaje udf.by.
Avaryja adbyłasia 30 kastryčnika kala 8.35 na vulicy Karbyšava ŭ rajonie doma № 1. Viktoryja pierachodziła prajeznuju častku pa nierehulavanym piešachodnym pierachodzie, abstalavanym adpaviednaj darožnaj raźmietkaj, znakami, i «śpiačym palicyjantam», kali jaje źbiŭ hruzavik MAZ-555102.
U 9.40 jana pamierła ŭ balnicy. Hramadskaje abjadnańnie «Centr pa pravach čałavieka», siabry i kalehi vykazali spačuvańni ŭ suviazi z trahičnaj śmierciu Viktoryi Staraścienka.
U 2009 hodzie Viktoryja pieramahła z ese ŭ konkursie ŭ miežach kampanii «Pravaabaroncy suprać śmiarotnaha pakarańnia ŭ Biełarusi».