U Pietrykaŭskim rajonie na budoŭli zahinuŭ 19-hadovy chłopiec
Aficyjna zahinuły nie byŭ pracaŭładkavany, što jon rabiŭ na budaŭnictvie i chto vinavaty ŭ jaho hibieli, vyśviatlaje rajadździeł SK.
Pietrykaŭski rajonny adździeł Śledčaha kamiteta pravodzić pravierku pa fakcie hibieli 19-hadovaha žychara Śvietłahorska.
Jak paviedamiła BiełaPAN aficyjny pradstaŭnik USK pa Homielskaj vobłaści Maryja Kryvanohava, małady čałaviek zahinuŭ 22 kastryčnika.
U toj dzień pryblizna ŭ 16.30 jon znachodziŭsia na novabudoŭli — małočna-tavarnaj fiermie KSUP «Kurycičy» (Pietrykaŭski rajon).
Pry budaŭnictvie vodanapornaj viežy z padjomnaha krana sarvałasia mietaličnaja placoŭka, jakaja śmiarotna traŭmavała maładoha čałavieka, što stajaŭ unizie. Jon pamior na miescy zdareńnia.
Aficyjna zahinuły nie byŭ pracaŭładkavany, što jon rabiŭ na budaŭnictvie i chto vinavaty ŭ jaho hibieli, vyśviatlaje rajadździeł SK. Viadoma, što małady čałaviek vučyŭsia ŭ Biełaruskim dziaržaŭnym univiersitecie transpartu, ale letam 2013 hoda byŭ adličany z VNU.