Kandrusievič: Zabavy Chełoŭinu mohuć pryvieści da ciažkich nastupstvaŭ
Pierad uračystaściu Usich Śviatych i ŭspaminam usich pamierłych viernikaŭ Mitrapalit Minska-Mahiloŭski arcybiskup Tadevuš Kandrusievič nahadaŭ pra sutnaść hetych dzion i pra važnaść malitvy za pamierłych.
Miž inšym Mitrapalit vykazaŭ staŭleńnie Katalickaha Kaścioła da Chełoŭinu, paviedamlaje sajt catholic.by.
«Praktyka Chełoŭinu zachoplivaje ŭsio bolš i bolš moładzi. Niekatoryja dumajuć, što heta prosta niejkaja zabava. Adnak hetaja «zabava», u dvukośsi, moža pryvieści da ciažkich nastupstvaŭ, — zaŭvažaje arcypastyr. — Tut my ŭvachodzim u śfieru dziejańnia duchaŭ, a tam zły duch, djabał, nie śpić. I kali my nie molimsia da Boha, my molimsia da djabła».
Kažučy pra ŭračystaść Usich Śviatych, Mitrapalit adznačaje: «Kaścioł vieryć, što jość šmat takich, jakija aficyjna nie abjaŭleny śviatymi abo nie bieatyfikavany, adnak na samoj spravie jany takimi źjaŭlajucca, i ab hetym taksama nahadvaje naš zdarovy rozum.
Tamu Kaścioł uspaminaje ŭ hety dzień usich śviatych – viadomych i nieviadomych, tych, jakija prasłaŭleny, i tych, jakija hetaha prasłaŭleńnia jašče nie dačakalisia abo prosta, moža, nichto hetaj spravaj nie zajmajecca, ale jany źjaŭlajucca śviatymi, jany znachodziacca ŭ niabiesnaj słavie, jany bačać Boha tvaram u tvar».
Poŭny zapis videazvarotu: