Urad padrychtavaŭ prajekt «Ab alternatyŭnaj słužbie»
Saviet ministraŭ Biełarusi va ŭstanoŭlenym paradku rychtuje ŭniasieńnie ŭ parłamient zakonaprajekta «Ab alternatyŭnaj słužbie».
Pra heta paviedamiła ministr pracy i sacabarony Mar`iana Ščotkina 30 kastryčnika padčas pramoj telefonnaj linii i anłajn-pryjomu na sajcie viedamstva.
Pavodle słoŭ Ščotkinaj, praca nad zakonaprajektam «ažyćciaŭlałasia ŭ adpaviednaści z płanam padrychtoŭki zakonaprajektaŭ na 2013 hod». Dakumient raspracoŭvaŭsia rabočaj hrupaj, u skład jakoj uvajšli pradstaŭniki zacikaŭlenych dziaržaŭnych orhanaŭ, i pry jaho padrychtoŭcy byŭ «vyvučany vopyt zakanadaŭčaha rehulavańnia alternatyŭnaj słužby ŭ krainach SND i dalokaha zamiežža».
«Asnoŭnym padychodam, zakładzienym u zakonaprajekcie, ź`iaŭlajecca toje, što alternatyŭnaja słužba — heta asablivy vid słužby (hramadska-karysnaja dziejnaść)», — skazała jana.
Pry hetym ministr nie raskryła detalaŭ źmiestu dakumienta.
Nahadajem, u lipieni hetaha hoda Centr pravavoj transfarmacyi (Lawtrend) nakiravaŭ zvarot u Pałatu pradstaŭnikoŭ Nacyjanalnaha schodu Biełarusi z patrabavańniem «źniać hryf sakretnaści» z zakonaprajekta «Ab alternatyŭnaj słužbie». Pavodle źviestak Lawtrend, zakonaprajekt znachodzicca pad hryfam «Dla słužbovaha karystańnia» i niedastupny dla hramadskaha abmierkavańnia. Parłamientaryi adkazali pravaabaroncam, što nie vyklučajuć mahčymaści dadatkovaha abmierkavańnia ich prapanoŭ.