Siamaška: Mirycca z pjanstvam na vytvorčaści nielha
Pra heta zajaviŭ pieršy namieśnik premjer-ministra Biełarusi Uładzimir Siamaška 6 listapada na pasiadžeńni Nacyjanalnaha savieta pa pracoŭnych i sacyjalnych pytańniach.
Adnoj z asnoŭnych pryčyn hibieli rabotnikaŭ na vytvorčaści źjaŭlajecca pjanstva. Jak paviedamiŭ dyrektar Departamienta dziaržaŭnaj inśpiekcyi pracy Ministerstva pracy i sacyjalnaj abarony Anatol Sadoŭničy, udzielnaja vaha rabotnikaŭ, jakija znachodzilisia ŭ momant hibieli ŭ stanie ałkaholnaha apjanieńnia, pavialičyłasia z 20,8% za studzień-vierasień 2012 hoda da 31,5% za anałahičny pieryjad hetaha hoda.
Heta śviedčyć ab tym, što kantrol z boku najmalnikaŭ niedastatkovy, u pracoŭnych kalektyvach nie stvorana atmaśfiera nieciarpimaści da pjanstva. Na dumku Anatola Sadoŭničaha, nieabchodna pavysić matyvacyju słužbovych asob najmalnika i rabotnikaŭ da dobrasumlennaha vykanańnia svaich abaviazkaŭ pa achovie pracy, umacavańnia pracoŭnaj i vytvorčaj dyscypliny.