Chryścijanstva dla «čajnikaŭ». Sumleńnie
Try abzacy ad unijackaha śviatara.
Sumleńnie — heta zdolnaść čałavieka dać maralnuju acenku svaim pavodzinam, učynkam. Dla chryścijanina sumleńnie — heta hołas Boha ŭ sercy čałavieka. Adnak čamu ž hety hołas padkazvaje roznym ludziam roznuju acenku adnolkavych maralnych situacyj?
Reč u tym, što čałaviečaja pryroda ŭ vyniku pieršarodnaha hrachu skažonaja, a tamu hołas Boha ŭ sercy kožny čałaviek čuje pa-roznamu. Jość ludzi z bolš uražlivym sumleńniem, a jość ź mienš uražlivym. Takim čynam, sumleńnie — heta subjektyŭnaja maralnaja norma.
Chryścijanin paklikany vychoŭvać svajo sumleńnie, udaskanalvać jaho, supastaŭlajučy jaho z maralnym etałonam. Hetym etałonam jość Dekałoh — dziesiać Božych zapaviedziaŭ. Dekałoh — heta abjektyŭnaja maralnaja norma. Čałaviek, jaki viedaje zapaviedzi, ale nie zachoŭvaje ich (nie vychoŭvaje svajo sumleńnie zhodna z Dekałoham), niasie bolšuju adkaznaść za svaje ŭčynki, čym toj, chto nie viedaje pra ich.