Miniust padrychtavaŭ vialikuju reformu sistemy nataryjata
U Biełarusi padrychtavany prajekt dakumienta pa reformie śfiery nataryjata.
U Biełarusi padrychtavany prajekt dakumienta pa reformie śfiery nataryjata, paviedamiŭ siońnia žurnalistam u Pałacie pradstaŭnikoŭ ministr justycyi Aleh Śližeŭski, adkazvajučy na pytańnie karespandenta BIEŁTA.
Raniej byŭ padpisany ŭkaz ab tym, što z 1 studzienia 2014 dziaržaŭnyja nataryusy straciać status dziaržaŭnych słužačych. Ciapier padrychtavany prajekt ukaza, jaki praduhledžvaje pierachod nataryjata z 1 studzienia 2014 hoda na pryncypy samakiravańnia i samafinansavańnia. Praduhledžvajecca stvareńnie orhanaŭ samakiravańnia ŭ vyhladzie Biełaruskaj nataryjalnaj pałaty i terytaryjalnych pałat. Pałatam płanujecca pieradać funkcyi pa biahučaj arhanizacyi pracy nataryjata, za Miniustam — zachavać funkcyju kantrolu vydačy paśviedčańniaŭ nataryusam, rastłumačyŭ ministr.
Prajekt ukaza ŭžo ŭzhodnieny z usimi zacikaŭlenymi i znachodzicca na razhladzie ŭ Administracyi prezidenta.
Adkazvajučy na pytańnie ab chvalavańniach niekatorych nataryusaŭ z nahody mahčymych prablem z samaakupnaściu nataryjalnych kantor u rehijonach, ministr adznačyŭ, što hetaje pytańnie było ŭličanaje pry raspracoŭcy dakumienta. Praduhledžanaje stvareńnie nataryjalnych akruhaŭ i kvoty pa liku nataryusaŭ u kožnaj takoj adzincy. «My ŭ pieršuju čarhu dumali pra toje, kab u novych umovach zachavać dastupnaść i jakaść nataryjalnych pasłuh u lubym rehijonie respubliki — navat tam, dzie heta moža być nizkarentabielnym», — padkreśliŭ jon.
Raźvivajučy temu, ministr rastłumačyŭ, što nataryusy buduć adličvać peŭnuju sumu ŭ fond Biełaruskaj nataryjalnaj pałaty, ź jakoha buduć padtrymlivacca kalehi ź nizkarentabielnych rajonaŭ.
«Nie budzie paniaćciaŭ dziaržaŭnaha i pryvatnaha nataryjata», — taksama adznačyŭ ministr. Buduć nataryjalnyja kantory i biuro, heta značyć, faktyčna kalektyŭnyja nataryjalnyja arhanizacyi i indyvidualnyja. Heta zroblena dla taho, kab nie łamać strukturu, što skłałasia.
Što tyčycca koštu pasłuh, to pa niekatorych pazicyjach jana moža niaznačna ŭzraści, a pa niekatorych — navat źnizicca. Ilhoty pa pasłuhach buduć zachavanyja.