U Minsku prajšła vystava hryzunoŭ i zajcapadobnych
16 i 17 listapada ŭ staličnym Pałacy sportu prajšła mižnarodnaja vystava-šou hryzunoŭ i zajcapadobnych «Vosieńskija śladočki — 2013».
BiełaPAN
U vystavie ŭziali ŭdzieł bolš jak 200 hryzunoŭ 30 parod, pryviezienych z usich kutkoŭ Biełarusi, Rasii i Ukrainy, paviedamlaje BiełaPAN.
Hledačy mahli lubavacca siryjskimi i džunharskimi chamiačkami, marskimi śvinkami, piasčankami, pacukami i myšami, šynšyłami, dekaratyŭnymi trusami, a taksama čarapaškami i vožykami.
Prahrama vystavy «Vosieńskija śladočki — 2013» uklučała roznyja konkursy: pakaz parod «Pacukovy bałans», «Chamiačyny boŭlinh», kaściumavanaje šou, «Samaja žvavaja piasčanka», «Samy haspadarlivy chamiak», a taksama pakaz pacučnaj mody. Uładalniki prademanstravali talenty svaich damašnich lubimcaŭ.