Nieabyjakavaść ludziej dapamahła sabrać užo bolš za $130 tys. na apieracyju chvoraj na rak dziaŭčynki
Hramadzianskaja kampanija vałancioraŭ pa zboru srodkaŭ na praviadzieńnie apieracyi dla chvoraj na lejkoz (rak kryvi) 12-hadovaj hamialčanki siraty Aleny Novik praciahvajecca.
Ź nieabchodnych dla praviadzieńnia apieracyi 260 tysiač dołaraŭ sabrana ŭžo 134 tys. dołaraŭ. Pryčym hetu sumu ŭdałosia sabrać mienš čym za miesiac. Stolki ž času zastałosia da praviadzieńnia apieracyi pa pierasadcy kaściavoha mozhu, jakuju pahadzilisia zrabić u izrailskaj klinicy. Kali apieracyju nie zrabić, dziaŭčynka pamre.
Lena Novik užo bolš jak piać hadoŭ chvareje na lejkoz, prachodziła lačeńnie ŭ Homieli, Minsku, u Hiermanii.
Na niejki čas chvaroba adstupiła, ale ŭ kastryčniku ŭ dziciaci adbyŭsia recydyŭ lejkozu. Jana znoŭ trapiła ŭ ankacentr i pakul prachodzić kurs chimijaterapii.
Na praciahu apošniaha miesiaca vałanciory raskleili i raskidali pa paštovych skryniach tysiačy ŭlotak, u Homieli źjavilisia biłbordy z zaklikam dapamahčy dziaŭčyncy.
Futbolny kłub vychodziŭ na pole ŭ majkach z hetkim ža zaklikam, maršrutnyja taksi i pryvatnyja aŭto jeździać pa horadzie z anałahičnymi nadpisami. Srodki na dabračynny rachunak taksama pieraličyli skaŭty homielskaj rymska-katalickaj parafii.
23 listapada ŭ Haradskim centry kultury projdzie dabračynny kancert pa zbory srodkaŭ na apieracyju dziciaci.