Novy albom N.R.M. na vinile kaštuje 500 tysiač
Fota Viačasłaŭ Radzivonaŭ/Ultra-Music.
Albom «D.P.B.Č.» hurta N.R.M., jaki vystupaje ciapier u jakaści trya, vyjšaŭ siarod inšaha na viniłavaj kružełcy. Farmat ciapier nie samy papularny, adnak popyt na vinił za apošnija hady pavialičyŭsia — u Rasii častka muzyčnych navinak dublujecca ŭ vyhladzie kružełak i maje svajho słuchača.
Kaštuje «D.P.B.Č.» ažno 50 dalaraŭ, adnak, pa słovach Pita Paŭłava, heta całkam prymalny dla viniła košt.
«Nakład alboma na kružełcy — sto asobnikaŭ, — raskazvaje spadar Paŭłaŭ. — Sabiekošt adnaho viniła — $30, tamu nam našmat vyhadniej zrabić sto kuržełak, a paśla zrabić druhi nakład».
Pa słovach muzyki, asnoŭnaja aŭdytoryja, na jakuju raźličana viniłavaje vydańnie, heta kalekcyjaniery.
«Viartańnia viniłavaj kultury nie budzie, — kaža Paŭłaŭ. — Usia muzyka pierajšła ŭ elektronny vyhlad, $50 dla chłopca, jaki słuchaje mp3-fajły praz telefon, heta nie šmat, bo jon nie kupić kružełku navat za piać. A dla kalekcyjanieraŭ, jakija majuć aparaturu za $15-20 tysiač, heta taksama nie suma».
Pieršy nakład kružełki ŭžo amal razyšoŭsia, ciapier hurt budzie rabić druhi nakład, jaki budzie trochu adroźnivacca ad pieršaha, što ŭzdymie košt na pieršy pres, adnak užo siarod kalekcyjanieraŭ.
«Dla ŭsich astatnich my vypuścili CD-viersiju alboma, — kaža Paŭłaŭ. — Adnak hučyć vinił našmat lepiej, heta kožny moža zrazumieć na słych».