Na Minščynie prachodzić apieracyja «Antytytuń»
Napiaredadni 21 listapada, Mižnarodnaha adnia admovy ad kureńnia, UUS Minabłvykankama realizuje na terytoryi Minskaj vobłaści kompleks mierapryjemstvaŭ pad nazvaj «Antytytuń».
Apieracyja pravodzicca z 18 pa 24 listapada.
Jak paviedamili va UUS, arhanizavany apieratyŭnyja mierapryjemstvy pa manitorynhu abjektaŭ handlu ŭsich form ułasnaści, metaj jakich źjaŭlajecca dakumientavańnie faktaŭ realizacyi dzieciam tytuniovych vyrabaŭ. Z pačatku hoda ŭ Minskaj vobłaści vyjaŭlena bolš čym 100 faktaŭ prodažu tytuniovych vyrabaŭ padletkam.
Milicyja nahadvaje, što za prodaž dzieciam cyharet nakładajecca štraf u pamiery 6,5 młn. rubloŭ, za kureńnie ŭ zabaronienym miescy — štraf da 65 tysiač rubloŭ.