U vioscy ŭ Homielskaj vobłaści šukajuć padpalščyka — zafiksavana 10 uzharańniaŭ
U vioscy Pychań Vietkaŭskaha rajona sa žniŭnia pa listapad 2013 hoda zafiksavana dziesiać padpałaŭ majomaści. U asnoŭnym harać stahi siena i sałomy, padpały ŭčyniajuć nieviadomyja pozna viečaram.
Jak paviedamili ŭ Vietkaŭskim RAUS, milicyja šukaje asob, jakija majuć dačynieńnie da padpałaŭ, pakul kryminalnyja spravy nie raspačynalisia.
Usie padpały byli ŭčynieny na vulicy Kastryčnickaj.
Pieršyja padpały byli zafiksavany ŭ žniŭni, tady ŭ adnu noč zdarylisia adrazu try pažary. U vieraśni kala adnaho z damoŭ zaharełasia sienaschovišča.
U adnoj z žycharak vioski siena palili ŭžo try razy, u jaje adnaviaskoŭca pažar byŭ dvojčy.
U listapadzie blizu adnaho z damoŭ zahareŭsia rułon sałomy, ahoń pierakinuŭsia na haspadarčuju pabudovu.
Milicyja abiacaje ŭzmacnić kantrol i robić zachady dla vyšuku złamyśnika.