U Vilni źjavicca jašče adzin niezvyčajny budynak
Pobač ź Litoŭskim dziciača-junackim centram pačałosia budaŭnictva novaha ofisnaha centra.
Susiedni biznes-centr Quadrum
U paniadziełak, 18 listapada, na budaŭničaj placoŭcy ŭ ziamlu apuścili simvaličnuju kapsułu, jakaja paviedamiła pra raspačataje budaŭnictva. U pracesie ŭziaŭ udzieł mer Vilni Arturas Zuokas.
«Vielmi raduje, što budaŭnictva viadziecca tut, na praśpiekcie Kanstytucyi, jaki jość dla nas simvałam novaha centra horada XXI stahodździa. Jakraz hetaje miesca pryśviečanaje tamu, kab novaje pakaleńnie mahło pakinuć svoj śled u horadzie», — skazaŭ mer. Pavodle jaho słovaŭ, miesca, dzie raście novy budynak, doŭhi čas nie viedali jak vykarystać.
Na praśpiekcie Kanstytucyi źjavicca 8-paviarchovy budynak z dvuchpaviarchovaj padziemnaj stajankaj i naziemnaj stajankaj na 560 aŭto. Vakoł na dvuch hiektarach źjavicca zialonaja zona, park.
Budynak k29 stvaryli architektary dackaj kampanii PLH Arkitekter i litoŭskaj Archinova. Usiaho ŭ budynku prapanujuć ofisy na płoščy 14 250 kv.m. U budynku abstalujuć 4 panaramnyjach lifty, visiačyja ŭ pavietry leśvicy. Na pieršym paviersie - restaran płoščaj 350 kv.m. Ofisy abstalujuć ŭ skandynaŭskim styli.
Uvasableńniem prajekta budzie zajmacca inviestycyjny fond nieruchomaj majomaści Lords LB Baltic Fund II. U prajekt budaŭnictva i dobraŭparadkavańnie najbližejšych terytoryj fond płanuje ŭkłaści 30 miljonaŭ jeŭra.
Dyrektar kampanii K29, jakaja raźvivaje prajekt, Domas Kačynskas skazaŭ, što ŭžo viaducca pieramovy z patencyjnymi arandatarami ofisaŭ. «Cikavaść vielmi vialikaja, kožny dzień pastupajuć zapyty. Najmienšaja płošča ofisa - 200 kv.m, najbolšaja – 4-6 tys.. My płanujem, što da kanca nastupnaha hoda budynak budzie zapoŭnieny», — skazaŭ dyrektar kampanii.
Na pytańnie, jak u ich atrymlivajecca kankuravać z ofisnym budynkam Quadrum, što budujecca na praśpiekcie Kanstytucyi i prapanuje ofisy na płoščy 27 tys kv.m, Kačynskas adkazaŭ: «Dumaju, abodva hetyja prajekta dobryja, my budziem staracca, kab jany byli jak maha lepšyja i jakaśniejšyja, ad hetaha Vilnia i arandatary tolki vyjhrajuć».