Zisier pra ideju pieravodu internet-partałaŭ u status ŚMI: U cyvilizavanym śviecie niama licenzavańnia ŚMI
Takuju dumku ŭ razmovie z Jeŭraradyjo vykazaŭ zasnavalnik partała tut.by z nahody płanaŭ rehistracyi ŭ Biełarusi ŭpłyvovych internet-resursaŭ.
«Spraviadliva, kab navinavyja sajty znachodzilisia ŭ adnych umovach z tradycyjnymi miedyja. Ale ŭsialakaje licenzavańnie — heta abmiežavańnie svabody. Ad hetaha vyjhrajuć rasijskija kankurenty, zamiežnyja sajty, biełaruskija sajty, jakija znachodziacca za miažoj. U cyvilizavanym śviecie niama licenzavańnia ŚMI naohuł. U Jeŭropie zaraz admienienaje licenzavańnie navat telebačańnia».
Nahadajem, pra toje, što samyja ŭpłyvovyja internet-resursy Biełarusi mohuć pieravieści ŭ razrad ŚMI, paviedamiŭ namieśnik ministra infarmacyi Dźmitryj Šadko.
«Prapanujem ŭnieści šerah źmienaŭ u zakon ab ŚMI, u adpaviednaści ź jakim najbolš papularnyja i ŭpłyvovyja internet-resursy trapiać u razrad ŚMI i buduć nieści adkaznaść pierad zakonam za raspaŭsiud luboj infarmacyi — až da adklikańnia rehistracyi».