Akunin admoviŭsia iści na sustreču z Pucinym: Pakul u krainie palitviaźni — nie mahu być ź im u adnym pamiaškańni
Rasijski piśmieńnik Barys Akunin napisaŭ na svajoj staroncy ŭ Facebook, što nie budzie prymać udzieł u Rasijskim litaraturnym schodzie, bo jaho abiacaŭ naviedać prezident Rasii Uładzimir Pucin.
«Vydaviectva ŭhavorvała mianie pajści i paŭdzielničać. Ja abiacaŭ padumać. Rozdumy maje skončylisia, kali ja daviedaŭsia, što na schod źbirajecca pryjści Uładzimir Pucin — ci vystupać, ci navat staršynstvavać. Kali tak — bieź mianie, kali łaska», — napisaŭ Akunin.
«Pakul u krainie jość palitviaźni, znachodzicca pablizu ad kiraŭnika, prosta navat u adnym ź im pamiaškańni, ja nie mahu.
Heta aznačała b, što ja liču dla siabie mahčymym słuchać pramovy pra vydatnaje, jakija sychodziać ad čałavieka, jaki trymaje ŭ turmie ludziej za ich palityčnyja pierakanańni», — dadaŭ Akunin.