«Zabarona chadzić pa eskałatarach u mietro źmienšyć kolkaść niaščasnych vypadkaŭ»
Prapanova ab zabaronie chadžeńnia pasažyraŭ pa eskałatarach u staličnaj padziemcy ŭniesiena ŭ prajekt novych praviłaŭ karystańnia Minskim mietrapalitenam.
Pra heta zajaviŭ hałoŭny revizor pa biaśpiecy ruchu KUP «Minski mietrapaliten» Alaksandr Salej.
«U mietro rehistrujecca vialikaja kolkaść vypadkaŭ padzieńnia ludziej na eskałatary, heta adbyvajecca ź ludźmi ŭsich uzrostaŭ, — adznačyŭ Alaksandr Salej. — Zabarona chadzić pa eskałatarach nie tolki pamienšyć kolkaść niaščasnych vypadkaŭ, ale i pavialičyć prapusknuju zdolnaść hetych kanstrukcyj».
Ciapier u minskim mietro zabaroniena siadzieć na prystupkach eskałataraŭ i biehać pa ich, abapiracca i stavić rečy na poručni.
Pasažyram treba stajać sprava tvaram pa kirunku ruchu, trymacca za poručań.
«Heta paznačana ŭ dziejučych praviłach karystańnia mietrapalitenam, dla apaviaščenńnia pasažyraŭ vykarystoŭvajucca hučnarazmaŭlalniki. Ab zaćviardžeńni novych praviłaŭ pasažyry nieadkładna buduć prainfarmavanyja», — zapeŭniŭ Alaksandr Salej.
Hałoŭny revizor pa biaśpiecy ruchu adznačyŭ, što zabarona chadžeńnia pa eskałatarach inicyjavana zychodziačy z realij pracy minskaha mietro.