Supracoŭnica AAT «Bank Maskva-Minsk» abakrała niabožčyka
Načalnica adnaho z CBP AAT «Bank Maskva-Minsk» padazrajecca ŭ bujnym kradziažy srodkaŭ z rachunku pamierłaha klijenta banka.
Adździeł śledčaha kamiteta pa Leninskim rajonie Minska raspačaŭ kryminalnuju spravu ŭ dačynieńni da načalnika adnaho z CBP AAT «Bank Maskva-Minsk» pa padazreńni ŭ ździajśnieńni joju złačynstva pa č.3 st.212 Kryminalnaha kodeksa Biełarusi (kradziež šlacham vykarystańnia kampjutarnaj techniki, ździejśnieny ŭ bujnym pamiery). Sankcyja hetaha artykuła praduhledžvaje pakarańnie da 10 hadoŭ pazbaŭleńnia voli.
Zhodna z papiarednimi dadzienymi śledstva, 47-hadovaja žančyna, jakaja zajmała hetuju adkaznuju pasadu, skarystałasia tym, što adzin z klijentaŭ banka pamior 6 žniŭnia 2013 h, i vykrała srodki spačyłaha, vykarystoŭvajučy jaho kartku, jakuju toj zamoviŭ niezadoŭha da śmierci.
Pry dapamozie kartki žančyna źniała z kart-rachunku klijenta 9,9 tysiačy dalaraŭ, jakija vykarystoŭvała dla ŭłasnych patreb. Pry hetym bankirku nie spyniŭ maralny aśpiekt jaje ŭčynku. Bo jašče sa staražytnych časoŭ abkraści mierćviaka ličyłasia adnym z samych haniebnych dziejańniaŭ.
Zrešty, niahledziačy na bujnuju sumu kradziažu i na maralny aśpiekt dziejaniaŭ, supracoŭnica banka navat nie była ŭziataja pad vartu. Śledčy kamitet nie paličyŭ nieabchodnym abrać ŭ dačynieńni da jaje mieru strymańnia. Viadziecca rasśledavańnie.