Vakoł budaŭnictva Parku vysokich technałohij razhareŭsia bujny kryminalny skandał
Śledčy kamitet raspačaŭ adrazu niekalki kryminalnych spraŭ, źviazanych z realizacyjaj inviestycyjnaha prajekta pa budaŭnictvie abjektaŭ na terytoryi Parku vysokich technałohij.
U pole zroku śledčaha kamiteta patrapiła adrazu niekalki kampanij, davoli viadomych u PVT i tak ci inakš dałučanych da realizacyi inviestycyjnaha prajekta pa budaŭnictvie infrastruktury PVT. Havorka idzie nie pra rezidentaŭ PVT, a pra tych, chto ich absłuhoŭvaŭ, u tym liku i pra niekatoryja łahistyčnyja kampanii.
Jak patłumačyli «Ježiednievniku» ŭ SK, u jakaści padazravanaha ŭ spravie fihuruje zasnavalnik PHUP «Komkabieljinstrumient», jaki zajmaje ŭ kampanii pasadu śpiecyjalista pa źniešnieekanamičnaj dziejnaści. Jon byŭ aryštavany Hienieralnaj prakuraturaj jašče ŭ červieni, adnak abvinavačvańnie ŭ dačynieńni da jaho kankretyzavałasia tolki ciapier. Uvieś hety čas pravodzilisia šmatlikija pravierki i čakalisia adkazy na zapyty, jakija tyčacca realizacyi inviestycyjnaha prajekta, a taksama vypłaty mytnych pošlin u miežach jaho.Mienavita mytnyja pošliny i stali prablemnym pytańniem.
Pa dadzienych SK, padazravany na padstavie akazańnia kampanii Ideab Project Etsti AS (Estonija) sadziejničańnia ŭ mytnym dekłaravańni tavaraŭ, jakija ŭvozilisia joju na terytoryju Respubliki Biełaruś, šlacham padmanu i złoŭžyvańnia davieram słužbovych asob kampanii z 4 červienia pa 30 žniŭnia 2012 hoda zavałodaŭ hrašovymi srodkami, praduhledžanymi dla vypłaty mytnych płaciažoŭ, na ahulnuju sumu bolš za 3,9 miljarda rubloŭ. Usie hetyja tavary ŭvozilisia ŭ Biełaruś dla budaŭnictva abjektaŭ na terytoryi Parku vysokich technałohij u Minsku, jakoje viadziecca ŭ adpaviednaści ź dziaržaŭnaj inviestycyjnaj prahramaj. Inšymi słovami, biznesmien prosta «kinuŭ» bujnoha estonskaha inviestara, pryciahnutaha dla realizacyi inviestycyjnaha prajekta pa budaŭnictvie infrastruktury PVT, pakłaŭ hrošy, jakija pryznačalisia dla rastamožki tavaraŭ, u svaju kišeń.
Taksama śledstvam ustanoŭlena, što padazravany, žadajučy atrymać majomasnuju vyhadu, uchiliŭsia ad vypłaty mytnych płaciažoŭ tavaraŭ, uviezienych na terytoryju Biełarusi na adras PHUP «Komkabieljinstrumient» i PTSUP «BiełLesMašSiervis». Pa dadzienych śledstva, zroblena heta było praz raźmiaščeńnie tavaraŭ u zonie mytnaha kantrolu składa časovaha zachoŭvańnia, jaki naležyć TAA «Biełsotra». Padazravany padmanuŭ słužbovych asob składa, pradjaviŭšy im padroblenyja dakumienty ab praviedzienaj rastamožcy tavaraŭ. U adpaviednaści z hetym dakumientami tavary byli vydadzienyja sa składa i vyviezieny z terytoryi zony mytnaha kantrolu biez dazvołu mytnaha orhana. Usie hetyja tavary byli niezakonna ŭciahnutyja ŭ ekanamičny abarot na terytoryi Biełarusi, čym i była naniesienaja škoda TAA «Biełsotra» u pamiery bolš za 5 miljardaŭ rubloŭ.
Anałahičnym čynam padazravany z 30 krasavika 2011 pa 13 žniŭnia 2012 «rastamožyŭ» jašče adnu partyju tavaraŭ, uchiliŭšysia ad vypłaty mytnych płaciažoŭ na sumu zvyš 300 miljonaŭ rubloŭ.
Na dadzieny momant zasnavalniku PHUP «Komkabieljinstrumient» pradjaŭlenaje abvinavačvańnie ŭ ździajśnieńni złačynstvaŭ pa troch artykułach, praduhledžanych kryminalnym kodeksam Biełarusi: č. 4 art.209 (machlarstva, ździejśnienaje arhanizavanaj hrupaj albo ŭ asabliva bujnym pamiery), č. 2, st.216 ( pryčynieńnie majomasnaj škody biez prykmiet kradziažu, ździejśnienaje hrupaj asob pa papiaredniaj zmovie abo ŭ bujnym pamiery), č.1 st.231 (uchileńnie ad vypłaty mytnych płaciažoŭ u bujnym pamiery).