Ksiandzu Łazaru ŭtrymańnie pad vartaj zamieniena na padpisku ab niavyjeździe
U Kamitecie dziaržaŭnaj biaśpieki Biełarusi BiełaPAN aficyjna paćvierdzili vyzvaleńnie ksiandza Uładzisłava Łazara sa śledčaha izalatara.
«Kamitetam dziaržaŭnaj biaśpieki pa ŭzhadnieńni z Hienieralnaj prakuraturaj 3 śniežnia abvinavačvanamu Łazaru na padstavie artykuła 119 Kryminalna-pracesualnaha kodeksa źmieniena miera strymańnia sa źniavoleńnia pad vartu na padpisku ab niavyjeździe i naležnych pavodzinach», — paviedamiŭ načalnik pres-słužby KDB Artur Strech.
Rasśledavańnie kryminalnaj spravy, pavodle jaho słoŭ, praciahvajecca.
Pra zatrymańnie ksiandza stała viadoma praź niekalki dzion paśla taho, jak Alaksandr Łukašenka 26 lipienia paviedamiŭ žurnalistam, što supracoŭnik biełaruskich śpiecsłužbaŭ zatrymany za pracu na zamiežnyja dziaržavy.
U.Łazaru staviłasia ŭ vinu pieradača hrošaj i materyjalnych kaštoŭnaściaŭ čałavieku, jaki abvinavačvajecca ŭ špijanažy na karyść inšaj krainy.
Pra vyzvaleńnie ksiandza Łazara ź SIZA KDB paviedamiŭ viečaram 3 śniežnia sajt Rymska-katalickaha kaścioła ŭ Biełarusi.