U 322 školnych kłasach Biełarusi vučycca tolki pa adnym vučni
Pra heta paviedamiŭ ministr adukacyi Siarhiej Maskievič, vystupajučy 4 śniežnia gałacie pradstaŭnikoŭ na parłamienckich słuchańniach na temu «Udaskanaleńnie zakanadaŭčaj bazy nacyjanalnaj sistemy adukacyi ŭ sučasnych umovach».
U toj ža čas hetych vučniaŭ vučać prykładna 600 nastaŭnikaŭ, adznačyŭ ministr.
Pavodle słoŭ Maskieviča, padrychtavany šerah narmatyŭnych pravavych aktaŭ, zaklikanych pavyšać ekanamičnuju efiektyŭnaść funkcyjanavańnia sistemy adukacyi. U pryvatnaści, vyniki pracy ŭstanoŭ adukacyi buduć karelavać z raschodami dziaržavy i zarabotnaj płataj rabotnikaŭ. «Pavodle našych raźlikaŭ, realizacyja raspracavanych padychodaŭ dazvolić pavialičyć siaredniuju napaŭnialnaść kłasaŭ z 17 da 19-20 čałaviek», — skazaŭ ministr adukacyi.