5 prostych sposabaŭ, kab zaścierahčysia ad karyjesu
Karyjes nie tolki prynosić fizičnyja pakuty, jon jašče moža i doraha abychodzicca. Stamatołahi ciapier kaštujuć niatanna. Kali vy chočacie paźbiehnuć i chvaroby, i vydatkaŭ na jaje lačeńnie, to vy pavinny kłapacicca pra svaje zuby.
Jość piać prostych sposabaŭ paźbiehčy karyjesu, raić radyjo «Svaboda».
Čyścicie zuby
Mnohija ludzi čyściać zuby niedastatkova dobra. Nie zabyvajciesia, što čystka zuboŭ nia tolki pazbaŭlaje ich ad čaścinak ježy, ale i ad bakteryjaŭ, a taksama i ad nalotu, jaki źniščaje zubnuju emal. Lepš za ŭsio čyścić zuby dva razy na dzień, a taksama paśla vielmi sałodkaj ježy. Vybirajcie zručnuju ščotku i čyścicie zuby nia mienš za dźvie chviliny. Razam z tym, nie pierastarajciesia – zanadta ćviordaja ščotka i zanadta mocny nacisk mohuć taksama paškodzić zubnuju emal.
Vykarystoŭvajcie pastu i vadkaści z ftarydam (ftoram)
Kala vy idziacie da stamatolaha, to tam vam abaviazkova prapałoščuć rot vadkaściu z ftarydam. Ale nia ŭsie z nas pałoščuć rot doma. I daremna, bo ftaryd abaraniaje zuby i robić ich našmat macniejšymi. Ftaryd znachodzicca navat u vadapravodnaj vadzie, ale lepš za ŭsio užyvać vadkaści dla pałaskańnia.
Nie zabyvajciesia pra zubnuju nitku
Šmat chto z nas paźbiahaje zubnoj nitki, dumajučy, što heta zabiraje zanadta šmat času. Ale sprava ŭ tym, što zubnaja ščotka ačyščaje tolki pavierchniu vašych zuboŭ, ale nia ščyliny pamiž imi. Kali vy budziecie vykarystoŭvać zubnuju nić, to heta na 40% zrobić vašy zuby bolš čystymi. Važna zrazumieć, što navat kali vy nia bačycie na zubach čaścinki ježy, jany ŭsio roŭna zastajucca ŭ ščylinach pamiž zubami i źjaŭlajucca vydatnym miescam dla žyćcia bakteryjaŭ, jakija vyklikajuć karyjes.
Dyjeta
Pradukty, jakija vy spažyvajecie majuć niepasrednuju suviaź ź dzirkami ŭ zubach. Naprykład, poŭnaja lipkich i sałodkich praduktaŭ dyjeta lohka pryviadzie da karyjesu, pakolki pastaŭlaje ŭ vaš rot šmat cukru. Cukar dazvalaje bakteryjam siłkavacca i raskašavać na vašych zubach. Starajciesia jeści bolš syroj harodniny i praduktaŭ biaz cukru, a kali ŭžo nia možacie biez sałodkaha, to chaj heta buduć nie lipučyja i ciažka žavalnyja słodyčy.
Rehularna naviedvajcie stamatolaha
Naviedvańnie vašaha stamatolaha i hihijenista dla rehularnych pravierak moža prynieści bol (u vypadku lačeńnia abo čystki), ale heta adnaznačna taho varta. Hetyja vizyty dazvolić vašamu stamatolahu ŭbačyć, nakolki dobra vy čyścicie zuby i dać vam parady i rekamendacyi. Padčas vizytu vašy zuby buduć hłyboka ačyščanyja, što dazvolić pazbavicca ad bakteryj i adkładańniaŭ. Stamatolahi majuć specyjalnyja instrumenty, jakich u vas doma niama, i jakija dapamahajuć na doŭhi termin ačyścić častki zuboŭ, jakija ciažka dastupnyja.