Miadźviedzieŭ: U mianie, jak u Pucina, z krana taksama ciače iržavaja vada
Premjer-ministr Rasii Dźmitryj Miadźviedzieŭ raspavioŭ, što ŭ jaho taksama časam ciače z krana iržavaja vada. Napiaredadni ŭ hetym ža pryznaŭsia prezident Uładzimir Pucin.
«Nu, kali prezident kaža, što ŭ jaho pieryjadyčna ciače, značyć i ŭ mianie ciače», — skazaŭ Miadźviedzieŭ, adkazvajučy na pytańni rasijskich telekanałaŭ, dadaŭšy, što z Pucinym jany «praktyčna susiedzi».
«Vada z krana iržavaja moža paciačy ŭ kaho zaŭhodna — i ŭ hramadzianina, jaki žyvie vielmi daloka ad Maskvy, i ŭ prezidenta z premjeram.
Prosta tamu, što ŭ nas kamunikacyi takija», — dadaŭ rasijski premjer-ministr.
Pucin padniaŭ pytańnie jakaści vadapravodnaj vady ŭ čaćvier na kanfierencyi Ahulnarasijskaha narodnaha frontu.