Dziažurnaje źviano rasijskich źniščalnikaŭ Su-27 siadzie na aeradromie ŭ Baranavičach bližejšymi dniami
Pavodle źviestak BiełaPAN, dziažurnaje źviano z čatyroch rasijskich źniščalnikaŭ Su-27 płanuje sieści na aeradromie 61-j źniščalnaj avijabazy ŭ Baranavičach (Bresckaja vobłaść) bližejšymi dniami. Razam sa źniščalnikami ŭ Baranavičy z Rasii pierabazirujecca i techničny piersanał. Kali heta adbudziecca dakładna, zaležyć u tym liku i ad umoŭ nadvorja.
Nahadajem, 23 krasavika hetaha hoda ministr abarony Rasii Siarhiej Šajhu, jaki znachodziŭsia ź vizitam u Minsku, paviedamiŭ ab płanach Rasii raźmiaścić na terytoryi Biełarusi da 2015 hoda źniščalny avijapołk. Tady jon zajaviŭ, što ŭžo sioleta ŭ Biełarusi płanujecca stvaryć avijacyjnuju kamiendaturu i pastavić pieršaje dziažurnaje źviano źniščalnikaŭ.
26 červienia hałoŭnakamandujučy VPS RF hienierał-lejtenant Viktar Bondaraŭ paviedamiŭ, što rasijskaja avijabaza budzie dysłacyravacca ŭ Lidzie (Hrodzienskaja vobłaść) i pačnie funkcyjanavać užo ŭ 2013 hodzie. Na joj buduć raźmieščany madyfikavanyja źniščalniki Su-27SM3.
Zatym źjaviłasia infarmacyja ab raźmiaščeńni jak minimum dziažurnych źniščalnikaŭ u Baranavičach.