Vyjšaŭ novy numar almanacha «Biełarus»
3 2007 hoda ŭ Ńju-Jorku štohod vychodzić almanach «Biełarus», hałoŭnym redaktaram i ŭkładalnikam jakoha tradycyjna źjaŭlajecca Marat Kłakocki. Źmiaščać svaje tvory ŭ almanachu mohuć tolki tyja tvorcy, jakija pastajanna pražyvajuć pa-za miežami Biełarusi. Siarod aŭtaraŭ roznych hadoŭ — Janka Zaprudnik, Pavieł Kaściukievič, Alaksandr Barščeŭski.
Niadaŭna ŭ śviet źjaviŭsia novy, siomy vypusk «Biełarusa». Što moža zacikavić čytačoŭ?
Druhaja častka natatak Viktara Kavaleŭskaha (biełarusa z Aŭstralii), jaki padarožničaje pa Italii, Francyi, Hiermanii, a taksama na radzimie.
Zhadki Cimocha Lijakumoviča z Čykaha pra litaraturaznaŭcu Viktara Kavalenku.
Pierakłady Jakuba Łapatki i Siaržuka Sokałava-Vojuša, vieršy Aleha Minkina, paema Maksa Ščura.
Ale hałoŭnaj razynkaj almanacha padajucca ŭspaminy Valanciny Jakimovič. Časy pierabudovy i pieršyja hady niezaležnaści, utvareńnie BNF i Kołasaŭskaha liceju, asoby Zianona Paźniaka i Anatola Sysa.
A taksama padrabiaznaści asabistaha žyćcia aŭtarki, čyje akaličnaści ciesna źviazanyja z hramadskim i litaraturnym žyćciom krainy.
«Adrazu papiaredžu — teksty ŭ vydańni absalutna roznaha žanrf, uzroŭniu mastackaści i viedańnia movy. Jość tvory całkam prafiesijnyja, litaraturna-mastackija. Jość uspaminy. Jość padarožnyja natatki. Paetyčnyja ekspromty, najbolš cikavyja siabram i znajomym, čym šyrokamu čytaču… Čaho niama – dyk heta abyjakavaści, ironii, sproby schavacca za čužyja dumki i mierkavańni».
Heta vodhuk Hanny Kiślicynaj, jaki tyčycca papiaredniaha vypusku, u bolšaj ci mienšaj stupieni možna i raspaŭsiudzić i na novaje vydańnie «Biełarusa».