Kaścioł nia choča zastavacca na vulicy Savieckaj
Ksiondz Uładzisłaŭ Zavalniuk: Niejak nie vypadaje, kab kaścioł byŭ na vulicy Savieckaj,15.
7 kastryčnika padčas imšy ŭ mienskim kaściole śviatych Symona i Aleny probašč, ksiondz‑mahistar Uładzisłaŭ Zavalniuk zaklikaŭ viernikaŭ źviarnucca da miascovych uładaŭ z prośbaj dałučyć kaścioł da budučaj vulicy Edvarda Vajniłoviča.
Niadaŭna z prapanovy ksiandza Uładzisłava Zavalniuka mienskija ŭłady pryniali rašeńnie pierajmienavać vulicu Bersana, jakaja znachodzicca pobač z kaściołam, u vulicu Edvarda Vajniłoviča.
Edvard Vajniłovič — viadomy pry kancy XIX — na pačatku XX stahodździa abšarnik i mecenat, jaki padtrymlivaŭ biełaruski niezaležnicki ruch, 11 červienia minułaha hodu byŭ pierapachavany ŭ mienskim kaściole śviatych Symona j Aleny. Za svaje hrošy Vajniłovič pabudavaŭ u Miensku hety kaścioł u 1910 hodzie.
U vyniku rašeńnia ŭładaŭ Čyrvony kaścioł zastaŭsia na vulicy Savieckaj, 15.
Uładzisłaŭ Zavalniuk |
Ksiondz Uładzisłaŭ Zavalniuk skazaŭ, źviartajučysia da viernikaŭ:
«Dakumentu pakul na rukach u nas niama. Ale ja rajusia z vami. Niejak nie vypadaje, kab kaścioł byŭ na vulicy Savieckaj,15. Ci nie varta kab kaścioł mieŭ adresu Edvarda Vajniłoviča, №1. I kab uniz išła hetaja vulica, jak išła vulica Bersana.
Ja dumaŭ, što budzie Savieckaja pierajmienavana ŭ vulicu Vajniłoviča. Ale raz tak, tady davajcie znoŭ napišam u harvykankam. U nas kaścioły — u ŽESach. A ŭ kaściołach — muzej, archiŭ. Usio navyvarat. Dyk kab nia vyjšła tak, kab vulica Vajniłoviča była pablizu, a kaścioł, jaki jon pabudavaŭ, zastaŭsia na Savieckaj. Niejak nia tak. Tady, kali vy žadajecie, źviartajciesia.
Daj Boža, kab naša śviatynia była №1 na vulicy Vajniłoviča».