Biełaruś zmoža kuplać rasiejskuju zbroju pa ŭnutryrasiejskich koštach
Heta adzin z vynikaŭ samitu SND, jaki ŭ subotu adbyŭsia ŭ Dušanbe.
Heta adzin z vynikaŭ samitu SND, jaki ŭ subotu adbyŭsia ŭ Dušanbe.
Biełaruś zmoža kuplać rasiejskuju zbroju pa ŭnutryrasiejskich koštach. Heta adzin z vynikaŭ samitu SND, jaki ŭ subotu adbyŭsia ŭ Dušanbe.
Krainy‑udzielnicy Arhanizacyi damovy ab kalektyŭnaj biaśpiecy (ADKB) zmohuć kuplać rasiejskuju zbroju j vajskovaje abstalavańnie pa rasiejskich koštach za bolš aktyŭny ŭdzieł ŭ vajskovych aperacyjach u rehijonie.
Prezydent Rasiejskaj Federacyi Ŭładzimier Pucin paviedamiŭ, što Tadžykistan, Armenija, Biełaruś, Kazachstan i Kirhizija zmohuć kuplać nieabchodnaje abstalavańnie nia tolki dla patrebaŭ vojska, ale j specsłužbaŭ.
Sustreča kiraŭnikoŭ krain ADKB praciahvałasia nia bolš za hadzinu, bolšaść času va ŭdzielnikaŭ sustrečy zaniało padpisańnie dakumentaŭ. Niahledziačy na heta, Uładzimier Pucin ličyć, što samit pranios «surjozny i kankretny vynik».
ADKB značna aktyvizavałasia paśla taho, jak pamiž Zachadam i Maskvoju źjavilisia čarhovyja nieparazumieńni. Rasieja pačała ŭzmacniać supracoŭnictva ŭ halinie biaśpieki z kiraŭnikami Biełarusi j niekalkimi krainami Azii paśla taho, jak u Hruzii j va Ŭkrainie adbylisia prademakratyčnyja revalucyi.