La pasolstva Rasiei prajšoŭ antyfašyscki pikiet
Milicyjanty razahnali akcyju praz 5 chvilin i zatrymali čatyroch jaje ŭdzielnikaŭ.
Jak stała viadoma Jeŭraradyjo, u Minsku zatrymanyja čatyry aktyvisty antyfašysckaha ruchu. Pierad hetym kala 50 čałaviek sabralisia la rasijskaj ambasady.
Jany trymali raściažku «Nie fašyzmu!», a taksama partrety čatyroch čałaviek, jakija zahinuli ŭ Rasii ad ruk nieafašystaŭ. Asnoŭnaja meta akcyi — spynić zabojstvy ludziej u susiedniaj krainie, dzie apošnim časam pačaścilisia napady na zamiežnikaŭ.
Akcyja nie była sankcyjanavanaja. Praz 5 chvilin paśla jaje pačatku maładzionaŭ razahnali supracoŭniki milicyi. Čatyry čałavieki byli zatrymanyja i dastaŭleny ŭ Centralny RAUS stalicy.