«Maładomu frontu» znoŭ admovili ŭ rehistracyi
Pryčyna admovy — « arhanizacyja zaklikaje da hvałtoŭnaj źmieny ŭłady ŭ krainie, prapahanduje vajnu, mižnacyjanalnuju i rasavuju varožaść».
Viarchoŭny sud Biełarusi siońnia razhledzieŭ skarhu niezarehistravanaha moładzievaj arhanizacyi «Małady front» da ŭpraŭleńnia justycyi Mienharvykankamu. Nahadajem, što sioleta haradzkija čynoŭniki ŭžo dvojčy admaŭlali «maładafrontaŭcam» u rehistracyi. Admovy prychodzili z pryčyny taho, što «arhanizacyja zaklikaje da hvałtoŭnaj źmieny ŭłady ŭ krainie, prapahanduje vajnu, mižnacyjanalnuju i rasavuju varožaść».
U siaredzinie žniŭnia pieršuju skarhu «MF» razhladaŭ Mienski haradzki sud . Sudździa Sałaŭjova pryznała padstavy dla admovy ŭ rehistracyi arhanizacyi całkam abhruntavanymi.
Na hetym «maładafrontaŭcy» nie spynilisia, dajšoŭšy da Viarchoŭnaha sudu. Kalehija Viarchoŭnaha sudu pad staršynstvam sudździ Samaluka siońnia zasłuchała tłumačeńni «maładafrontaŭcaŭ» Nastu Łojka, Kiryły Šymanoviča i Barysa Hareckaha. Z słovam vystupili pradstaŭniki hramadzkaści — pravaabaroncy Alena Tankačova, Volha Smalanka i Jury Čavusaŭ. Prakuraturu pradstaŭlaŭ spadar Zanoŭski.
Paśla taho, jak byli zasłuchanyja abodva baki, byŭ abvieščany 15‑chvilinny pierapynak. U vyniku Viarchoŭny sud pakinuŭ u sile rašeńnie ab admovie ŭ rehistracyi.