U Minsku ŭ testavym režymie pačała pracu miedycynskaja daviedačnaja słužba 131
Miedycynskaja daviedačnaja infarmacyjnaja słužba ab dziejnaści arhanizacyj achovy zdaroŭja, padparadkavanych kamitetu pa achovie zdaroŭja Minharvykankama, pačała pracavać u testavym režymie. Heta call-centr, jaki pracuje na bazie AAT «Miedycynskaja inicyjatyva».
Patelefanavaŭšy na numar 131, možna zamović tałon na ŭsie vidy UHD-dyjahnostyki va ŭsie ŭstanovy, padviedamasnyja profilnym kamitetam Minharvykankama, atrymać infarmacyju pra płatnyja miedycynskija pasłuhi, a taksama vyklikać miedycynskaje taksi.
Jak patłumačyła dyrektar AAT Iryna Mudrova, daviedačnaja słužba pracuje ŭ testavym režymie ŭ budnija dni z 8.30 da 17.00. Hety prajekt maje pakrokavuju stratehiju raźvićcia. U dalejšym pieralik infarmacyjnych pasłuh płanujecca pašyryć. U jaho ŭvojduć kansultacyi pa inšych zapatrabavanych u nasielnictva pytańniach miedycynskaha charaktaru.
Z-za taho, što miedycynskaja daviedačnaja słužba pracuje ŭ testavym režymie, telefanavańnie na 131 biaspłatnaje.
U budučyni pasłuhi infarmacyjnaj słužby buduć płatnymi, ale z ulikam sacyjalnaj značnaści prajekta dastupnymi dla nasielnictva.