Piedafił, jaki macaŭ 9-hadovych dziaŭčatak, asudžany na 12 hadoŭ
U Homielskim rajonnym sudzie vyniesieny prysud 38-hadovamu mužčynu, jaki abvinavačvaŭsia ŭ hvałtoŭnych dziejańniach seksualnaha charaktaru, učynienych u dačynieńni da zaviedama małaletnich, paviedamlaje BiełTA.
Viasnoj 2013 hady mužčyna byŭ zatrymany ŭ Minsku pa padazreńni ŭ ździajśnieńni złačynstvaŭ da piaci dziaŭčatak 9—11 hadoŭ na Homielščynie ŭ 2011 hodzie.
Znajomiačysia ź dziećmi, jon zavodziŭ ich u padjezdy i macaŭ pad adzieńniem pad toj padstavaj, što niby ŭ jaho znajomaha skrali hrošy dziaŭčaty vonkava padobnyja.
Dzieci raskazvali baćkam pra vypadak, adnak vyjści na śled złačyncy nie ŭdavałasia dosyć doŭha.
Urešcie piedafiła złavili, sud pačaŭsia ŭ žniŭni i prachodziŭ u zakrytym pasiadžeńni. Mužčyna pryznany vinavatym u hvałtoŭnych dziejańniach seksualnaha charaktaru i asudžany na 12 hadoŭ pazbaŭleńnia voli.
Heta nie pieršy vypadak u Homieli. Jak paviedamlałasia ŭčora, u homielskim SIZA 8 studzienia paviesiŭsia inšy piedafił, 56-hadovy mužčyna.
Padazravany dziejničaŭ na praciahu troch hadoŭ va ŭročyščy Čonki Homielskaha rajona. Jaho achviarami stanavilisia dzieci, jakija adpačyvali ŭ letnich łahierach, da jakich hamialčanin pryjazdžaŭ pa načach na svaim skutary. Jon pranikaŭ u letniki i macaŭ śpiačych dziaŭčatak za pałavyja orhany.
Achviarami stali 11 dziaŭčynak va ŭzroście ad 9 da 14 hadoŭ.