Kiraŭnik BPC Pavieł razdavaŭ dzieciam padarunki ad Łukašenki
U dzień pamiaci apostała i pieršamučanika archidyjakana Stefana, 9 studzienia, patryjaršy ekzarch usioj Biełarusi mitrapalit Minski i Słucki Pavieł pravioŭ liturhiju ŭ chramie ŭ honar prapadobnaj Jefrasińni Połackaj Radaście-Tužliŭnaha prychoda Minska.
Pavieł «uźnios malitvu ab zdaroŭi hanarovaha patryjaršaha ekzarcha ŭsiaje Biełarusi mitrapalita Fiłareta», paviedamlaje pres-słužba Minskaj jeparchii.
Kiraŭnik BPC «zaklikaŭ viernikaŭ zachoŭvać pakorlivaść i prastatu žyćcia pa prykładzie viflejemskich pastuchoŭ i zdabyć čyściniu sardečnuju, kab padobna da archidyjakana Stefana ŭbačyć «nieba rastulenaje».
Patryjaršy ekzarch «padaŭ malelščykam dla całavańnia kryž i pieradaŭ dzieciam śviatočnyja padarunki ad prezidenta Respubliki Biełaruś Alaksandra Łukašenki».