Azaranka ŭ pieršym raŭndzie Australian Open zhulaje ź Jochanaj Łarsan
Siońnia ŭ Mielburnie adbyłosia losavańnie žanočaha adzinočnaha razradu pieršaha ŭ hetym siezonie tenisnaha turniru sieryi «Vialikaha šlema» — adkrytaha čempijanatu Aŭstralii.
Minułahodnija pieramožcy Australian Open Novak Džokavič i naša Viktoryja Azaranka padčas siońniašniaj sioletniaj prezientacyi turniru, fota z aficyjnaha sajta asopen.com
Biełaruska Viktoryja Azaranka (2-i numar suśvietnaha rejtynhu), jakaja ŭ 2012 i 2013 hadach była pieramožcaj Australian Open pačnie abaronu svajho tytuła sustrečaj sa šviedskaj tenisistkaj Jochanaj Łarsan (90).
Jašče adna biełaruska Volha Havarcova (91) u pieršym raŭndzie zhulaje z adnoj ź pieramožcaŭ kvalifikacyjnaha raŭndu.
Pieršaja rakietka płaniety amierykanka Sierena Uiljams u svaim startavym pajadynku budzie sapierničać z aŭstralijskaj tenisistkaj Ešli Barci (153).
Ciapierašni turnir na adkrytych kortach «Mielburn-parku» startuje ŭ paniadziełak 13 studzienia, a finišuje 26 studzienia.
Ahulny pryzavy fond Australian Open - 2014 składaje amal $ 31 młn.