Sud aryštavaŭ majomaść «Ekamiedservisa» na 10 młrd rubloŭ
U sudzie Kastryčnickaha rajona Minska praciahvajecca razhlad hučnaj spravy.
Na łavie padsudnych - daktary centra, dyrektarka Halina Vałžankina - krajniaja sprava, fota Jeŭraradyjo
Byłyja hiendyrektar i hałoŭny inžynier «Ekamiedsiervisa» nie pryznajuć u sudie svaju vinu
Abvinavačany były doktar-aniestezijołah centra Alaksandr Šuraŭ svaju vinu pryznaŭ častkova.
U pryvatnaści, jon nie pryznaŭ svajoj viny ŭ niezachavańni im šerahu słužbovych dakumientaŭ. U zale suda jon prynios svaje prabačeńni baćkam, blizkim i svajakam zahinułaj dziaŭčyny.
Prakuror nastojvaje na tym, što vina abvinavačanych paćviardžajecca jak ich ŭłasnymi śviedčańniami, tak i vysnovami ekśpiertaŭ, paviedamlaje BiełTA.
Baćki Julii Kubaravaj patrabujuć z «Ekamiedservisa» 10 miljardaŭ rubloŭ kampiensacyi. U piatnicu było zajaŭlena, što jany patrabujuć nakłaści aryšt na abstalavańnie miedcentra. U vyniku, sud aryštavaŭ majomaść na sumu 10 młrd 20 młn rubloŭ.
Prakuror ahučyŭ kančatkovyja abvinavačańni, jakija vystaŭlenyja traim byłym supracoŭnikam «Ekamiedservisa». Były lekar anestezijołah-reanimatołah (ciapier jon pracuje lekaram na stancyi chutkaj mieddapamohi) abvinavačvajecca ŭ nienaležnym vykanańni prafiesijnych abaviazkaŭ, što paciahnuła pa nieaściarožnaści śmierć pacyjenta. Byłyja hienieralny dyrektar i hałoŭny inžynier miedcentra abvinavajučajucca ŭ słužbovaj chałatnaści, jakaja paciahnuła pa nieaściarožnaści śmierć čałavieka.
Pa słovach dziaržabvinavaŭcy, padčas apieracyi ŭ miedcentry «anestezija Julii Kubaravaj pravodziłasia na niaspraŭnym abstalavańni» — adbyłasia razhiermietyzacyja dychalnaha aparatu. Padčas apieracyi jon pracavaŭ sa zbojami i byli ciažkaści z pastupleńniem pavietra da pacyjentki. U vyniku zbojaŭ miedabstalavańnia u Kubaravaj «adbyłasia ciažkaja hipaksija mozhu, što pryviało da niezvarotnych nastupstvaŭ».
Akramia taho, pa słovach prakurora, u pacyjentki zdaryłasia sardečnaja niedastatkovaść. Jaje pieraviali na ručnuju vientylacyju lohkich, joj pravodzili masaž serca. U miedcentry Julii Kubaravaj pastavili dyjahnaz «koma niejasnaha hienezu», ź jakim jaje pryvieźli ŭ 4-ju kliničnuju balnicu Minska. Tam dyjahnaz udakładnili — «vostraja hipaksija mozhu, koma, sardečnaja niedastatkovaść, vostraja chvaroba nyrak, pnieŭmanija», — cytuje słovy prakurora «Intierfaks-Zapad».
Niahledziačy na toje, što pacyjentku ŭ 4-j klinicy lačyli pravilna, stan jaje paharšaŭsia i jana pamierła, skazaŭ u sudzie dziaržabvinavaŭca. Jon adznačyŭ, što pavodle zaklučeńnia ekśpiertaŭ, pryčynaj śmierci stała «amiarćvieńnie hałaŭnoha mozhu jak nastupstva ciažkaha kisłarodnaha haładańnia».
«Śmierć Julii Kubaravaj była vyklikana niedachopami reanimacyjnych mierapryjemstvaŭ», — kanstatavaŭ prakuror.
Nahadajem, što viasnoj 2013 hoda paśla płastyčnaj apieracyi pa karekcyi formy nosa ŭ staličnym kamiercyjnym miedcentry «Ekamiedservis» pamierła 25-hadovaja hrodzienka Julija Kubarava. Da kryminalnaj adkaznaści za słužbovuju chałatnaść pryciahvajucca hienieralny dyrektar i hałoŭny inžynier miedcentra. Lekara-anestezijołaha vinavaciać u nienaležnym vykanańni prafiesijnych abaviazkaŭ, što paciahnuła pa nieaściarožnaści śmierć pacyjenta. Usie jany zastajucca pad padpiskaj ab niavyjeździe.