Leanard Koen. «I'm Your Man» u pierakładzie Andreja Chadanoviča
Ja ŭvieś tvoj
Skažaš być kachankam — kali łaska
Ŭsio, što ŭ smak tabie
Skažaš inšym być, nadzienu masku:
Jak mańjak tabie?
Možaš mnie raźbić uščent mašynu
Možaš učynić svajmu mužčynu
Mardaboj —
Ja ŭvieś tvoj
Zahadaj baksioram być
Na rynh pajdu hramiłaju
Zahadaj šafioram być
Kudy pajedziem, miłaja?
Pahulać u doktara chacieła?
Adkažu za kožny łapik cieła
Hałavoj
Ja ŭvieś tvoj
Na miesiacy
Paviesicca
Jak pios na łancuhu
Ja kolki musiŭ, stolki chłusiŭ
Tolki zaraz nie mahu
I jak ni li tut śloz
Ščaślivy los
Nie śviecić nam dvaim
Ale ja budu vyć
Na poŭniu snu
Rvać serca
J hryźci praścinu
Puści ŭ svoj hrešny raj
Prabač i daj, daj
Być tvaim
Chočaš nie spaźnicca na viasielle
Ja spyniu ciahnik
Chočaš noč pravieści na paneli
Bieź mianie — ja źnik
Chočaš baćku dla svajho dziciaci
Chočaš pa travie sa mnoj hulać ci
Pad travoj —
Ja ŭvieś tvoj
Skažaš być kachankam — kali łaska
Ŭsio, što ŭ smak tabie
Skažaš inšym być, nadzienu masku
Voś mańjak tabie…