Papa Francišak nazvaŭ imiony novych kardynałaŭ: biełarusaŭ siarod ich niama
AP
Śviaty Ajciec abviaściŭ 12 studzienia imiony novych kardynałaŭ. Heta adbyłosia padčas sustrečy ź viernikami na malitvie «Anioł Panski».
Kardynałami stanuć arcybiskup Pjetra Paralina — dziaržsakratara Jaho Śviataści Papy. Kardynałami stanuć taksama: arcybiskup Łarenca Bałdzisery — hienieralny sakratar Sinoda Biskupaŭ; arcybiskup Hierchard Ludvih Miuler, prefiekt Kanhrehacyi Vieravučeńnia; arcybiskup Bieńjamina Steła, prefiekt Kanhrehacyi pa spravach Duchavienstva; arcybiskup Vestminstera (Anhlija) Vincent Nikałs; arcybiskup Manahua (Nikarahua) Leapolda Chase Sałarsana; arcybiskup Kvebeka (Kanada) Žeral Sipryjan Łakrua; arcybiskup Abidžanu (Kot dJIvuar) Žan-Pjer Kutva; arcybiskup Rya-de-Žaniejra (Brazilija) Arani Tempiesta; arcybiskup Pierudžy (Italija) Hvalćjera Baseci; arcybiskup Buenas-Ajresu (Arhientyna) Marya Aŭrelia Poli; arcybiskup Sieuła (Kareja) Andru Jom Su Čžun; arcybiskup Sanćjaha (Čyli) Rykarda Esaci Andreła; arcybiskup Uahaduhu (Burkina-Faso) Filipe Nakielentuba Uedraoha; arcybiskup Katabata (Filipiny) Arłanda Ueveda; biskup Le-Kie (Haici) Šyłbi Łanhłua.
U kardynalskuju kalehiju ŭvojduć taksama try arcybiskupy na piensii, «jakija vyznačylisia svaim słužeńniem Śviatomu Pasadu i Kaściołu». Heta: arcybiskup Łorys Frančeska Kapaviła, arcybiskup Fiernanda Siebaśćian Ahiłar i arcybiskup Kielvin Edvard Fieliks.
U svaim vybary Papa prytrymlivaŭsia pryncypu najaŭnaści 120 kardynałaŭ-vybarščykaŭ.