«Załaty hłobus»: «12 hadoŭ rabstva» — najlepšy film-drama
U Łos-Andžełasie prajšła cyrymonija ŭručeńnia ŭznaharodaŭ «Załaty hłobus».
«12 hadoŭ rabstva» atrymała adnu ŭznaharodu, ale hałoŭnuju
Karcina «12 hadoŭ rabstva» brytanskaha režysiora Styva MakKuina stała najlepšym filmam-dramaj.
U filmie raspaviadajecca historyja čarnaskuraha amierykanca: jon naradziŭsia svabodnym, ale byŭ niezakonna pradadzieny ŭ rabstva ŭ paŭdniovych štatach u ZŠA ŭ 1830-ch. Heta ekranizacyja adnajmiennaj aŭtabijahrafii realnaha čałavieka — Sałamona Nortapa.
U naminacyi «Najlepšaja kamiedyja ci miuzikł» pieramahła «Afiora pa-amierykansku».
Pryz za najlepšuju režysuru atrymaŭ mieksikaniec Alfonsa Kuaron za karcinu «Hravitacyja».
Najlepšaj dramatyčnaj aktrysaj stała Kiejt Błanšet za rolu ŭ filmie «Žaśmin» Vudzi Alena. Pieramožcam u naminacyi «Najlepšaja mužčynskaja rola ŭ dramatyčnym filmie» staŭ Mećju Makonachi, jaki syhraŭ chvoraha ŚNIDam u karcinie «Dałaski kłub pakupnikoŭ».
Aktrysa Emi Adams, jakaja syhrała ŭ filmie «Afiora pa-amierykansku», pieramahła ŭ naminacyi «Najlepšaja žanočaja rola ŭ kamiedyi abo miuzikle».
Leanarda Dy Kaprya, jaki syhraŭ u «Vaŭku z Uoł-stryt» Skarseze, pieramoh u naminacyi «Najlepšaja mužčynskaja rola ŭ kamiedyi abo miuzikle».