Tarancina abraŭ nazvu dla novaha filma, heta nie budzie praciah «Džanha»
Novy film Tarancina budzie nazyvacca «Ahidnaja vaśmiorka» («The Hateful Eight»). Pra heta paviedamlaje Deadline sa spasyłkaj na svaje krynicy. Vierahodna, nazva źjaŭlajecca adsyłkaj da viesternaŭ Džona Sterdžesa 1960 «Vydatnaja siamiorka» («The Magnificent Seven»).
Na hałoŭnuju rolu pretendujuć Krystaf Valc i Brus Dern, heyuguys.co.uk
Vydańnie paviedamlaje, što kiniematahrafist zaviaršyŭ pracu nad scenarom svajho apošniaha filma i zaraz maje namier pakazać jaho niekalkim akcioram, jakich razhladaje na hałoŭnyja roli.
Tarancina užo vybraŭ dvuch akcioraŭ — Krystafa Valca i Brusa Derna. Valc źniaŭsia ŭ apošnim filmie Tarancina «Džanha vyzvalenym», a Dern syhraŭ u im epizadačnuju rolu.
Raniej Tarancina raspavioŭ, što jaho novaja karcina budzie viesternam. « Ahidnaja vaśmiorka» stanie druhim filmam kiniematahrafista ŭ hetym žanry. Pieršym byŭ «Džanha vyzvaleny». Ale Tarancina padkreśliŭ, što jaho nastupnaja praca nie budzie praciaham «Džanha».