Sprava «Ekamiedservisa»: pry apieracyi Kubaravaj u apieracyjnaj było dva aparaty vientylacyi lohkich
U sudzie Kastryčnickaha rajona Minska praciahvajecca sprava pa śmierci hrodzienki ŭ miedyčnym centry «Ekamiedservis».
Padčas apieracyi Julii Kubaravaj u apieracyjnaj znachodziŭsia jašče adzin aparat štučnaj vientylacyi lohkich. Pra heta stała viadoma siońnia padčas apytańnia ŭ sudzie lekara-aniestezijołaha Alaksandra Šurava.
Aparat byŭ pryznačany dla praviadzieńnia karotkačasovych apieracyj. Adnak paśla zboju asnoŭnaj aparatury im nie skarystalisia.
Zamiest hetaha Šuraŭ ažyćciaŭlaŭ ručnuju vientylacyju lohkich pacyjentki pry dapamozie miaška Ambu až da naładki asnoŭnaha abstalavańnia.
Pa jaho słovach, naładžvać i padłučać inšy aparat u momant zboju nie było času. A pakolki na vypraŭleńnie zboju aparata pajšło davoli mała času, to nieabchodnaść u vykarystańni inšaha aparata adpała.
Razhlad kryminalnaj spravy pa fakcie śmierci Julii Kubaravaj pačaŭsia 9 studzienia. Dziaŭčyna pamierła paśla praviadzieńnia płastyčnaj apieracyi. Pad sudom apynulisia hiendyrektar centra «Ekamiedservis» Halina Vałžankina, hałoŭny inžynier Uładzimir Lichuta i lekar-aniestezijołah Alaksandr Šuraŭ.
Baćki pamierłaj dziaŭčyny patrabujuć kampiensacyju ŭ 10 miljardaŭ rubloŭ.