«2,5 tysiačy pradadzienych aŭtamabilaŭ «Džyli» — heta fantazija»
Paśla taho, jak Łukašenka zajaviŭ, što jaho mara zbyłasia, ekśpiert patłumačyŭ, z čym źviazanaja šumicha vakoł biełaruska-kitajskaj vytvorčaści. I daŭ prahnoz, ci ŭdasca «Džyli» zavajavać rynak Rasii i Kazachstana.
— Toje, pra što maryli mnohija biełarusy i, pierš za ŭsio, ja, adbyłosia, — zajaviŭ 14 studzienia kiraŭnik dziaržavy. — Biełaruski aŭtamabil my zrabili razam z našymi kitajskimi siabrami i byccam by, pa maich dadzienych, prykładna 2,5 tys. pradali ŭ minułym hodzie. I popyt na padobny typ aŭtamabilaŭ majecca nie tolki ŭ Biełarusi, ale i za miežami našaj krainy.
Łukašenka zajaviŭ pra namier pradavać «Džyli» pa ŭsim śviecie, u tym liku ŭ Rasii i Kazachstanie.
Pavodle słoŭ Michaiła Miaśnikoviča, u dalejšym praduhledžvajecca stvareńnie ekspartaaryjentavanaj vytvorčaści mahutnaściu 120 tys. aŭtamabilaŭ u hod. Prajekt płanujecca realizavać sumiesna z kitajskaj kampanijaj «Džyli».
Zajavy kiraŭnictva krainy «Salidarnaści» prakamientavaŭ vypuskajučy redaktar haziety «Avtobiźnies Weekly» Siarhiej Michajłaŭ.
- Pa-pieršaje, nichto ź biełarusaŭ nie maryŭ pra kitajskija aŭtamabili. Našy suajčyńniki, jak viadoma, marać ab tannaj inšamarcy, šlach da jakoj byŭ začynieny dziakujučy namahańniam urada i nie biez udziełu kiraŭnika dziaržavy, -
adznačyŭ Siarhiej Michajłaŭ. - Što jany mohuć ciapier prapanavać naŭzamien? Sabranyja z mašynakamplektaŭ aŭtamabili kitajskaj vytvorčaści na biełaruskaj ziamli pa niemaleńkaj canie. Ci šmat žadajučych nabyć taki aŭtamabil?
2,5 tysiačy pradadzienych «Džyli» — heta fantazija. Prodažy ŭ Biełarusi - na ŭzroŭni «Samanda» - mienavita stolki moža zabiaśpiečyć administracyjny resurs.
Ekśpiert pryvodzić statystyku, ahučanuju na zavodzie «BiełDžy» Tut.by.
«2,5 tysiačy mašyn, a dakładniej - krychu mienš, aŭtamabilaŭ marki Geely było vyrablena, a nie pradadziena.
U 2013 hodzie ŭ Biełarusi
była realizavana 461 mašyna, u Kazachstan adhružana 1015 asobnikaŭ, i pačalisia prodažy biełaruska -kitajskich aŭtamabilaŭ u Rasii - pieršaja partyja składałasia z 235 mašyn».
Siarhiej Michajłaŭ źviartaje ŭvahu na toje, što napisana na sajcie «BiełDžy»:
«Metaj prajekta źjaŭlajecca arhanizacyja vytvorčaści 120 tysiač lehkavych aŭtamabilaŭ u hod u pieryjad z 2012 pa 2020».
- Dyk u hod ci za ŭvieś pieryjad? - zadajecca pytańniem surazmoŭca.
- Ci jany sami nie razumiejuć, što napisali, ci nie čytajuć svoj sajt.
Na dumku Siarhieja Michajłava,
hałoŭnaje pytańnie ŭ tym, dla čaho spatrebiłasia šumicha napiaredadni vizitu Miaśnikoviča ŭ Kitaj.
- Moža, hrošaj daduć…. - iranizuje surazmoŭca. - Na moj pohlad, uźniaty šum nie adpaviadaje značnaści fakta. Ničoha važnaha nie adbyłosia i nie adbudziecca ŭ najbližejšaj budučyni.
- Što kažuć aŭtaamatary pra «Džyli»?
- Mierkavańni samyja supiarečlivyja: adny chvalać, inšyja łajuć. Sprava ŭ tym, što
kitajskaja vytvorčaść čymści padobna da biełaruskaj. Jany nie mohuć zrabić dźvie adnolkavyja rečy.
Na adnym zavodzie sotni tysiač pastaŭščykoŭ adnych i tych ža detalaŭ.
Rabotniki Dziaržstandartu kazali, što ŭ ich prablema sa stabilnaj jakaściu. Adna detal moža być dobraja, pobač takaja ž detal z vyhladu, ale zusim nieprydatnaja.
Akramia taho,
mała vyrabić aŭtamabil - treba stvaryć infrastrukturu, jakaja budzie padtrymlivać jaho spraŭny stan u pracesie ekspłuatacyi, čaho pakul nie nazirajecca.
Tamu što zavoz tych ža raschodnikaŭ budzie adbyvacca pa inšych mytnych umovach.
Jany buduć dastatkova darahija, ich nie budzie ŭ patrebnaj kolkaści na składach varjataŭ, jakija voźmucca za techničnaje absłuhoŭvańnie hetych aŭtamabilaŭ.
Łahisty sutyknulisia z adsutnaściu zapčastak, prostych raschodnych materyjałaŭ kštałtu filtraŭ, lampačak i lichtaroŭ.
Pakul padstavaŭ ličyć, što situacyja źmienicca, niama, tamu što heta patrabuje vialikich materyjalnych układańniaŭ ź nieviadomaj budučyniaj.
- Ci realna Biełarusi zavajavać rynki Rasii i Kazachstana kitajskimi aŭtamabilami?
- Harantyj prodažaŭ nichto nie maje i nie atrymaje ŭ bližejšaj budučyni. Tamu što
ŭ Rasiei svaja vytvorčaść kałasalnaja, u tym liku zboračnaja. Tam rynak nasyčany. A ŭ Kazachstanie ŭsio ŭpirajecca ŭ płaciežazdolnaść nasielnictva.
Miarkuju, što płany pa vytvorčaści 120 tysiač aŭtamabilaŭ u hod zastanucca na ŭzroŭni čaroŭnych maraŭ i słoŭ. Jak luboje hłabalnaje pačynańnie, jakoje idzie źvierchu.