Tavarystva biełaruskaj movy pazbavili lhot — śpis uzhadniaŭ Łukašenka
U Biełarusi kala troch tysiač hramadzkich arhanizacyj. Da niadaŭniaha času istotnyja lhoty pa arendzie pamiaškańniaŭ (90 % źnižka) byli ŭ 451 arhanizacyi. U hetym hodzie śpis ščaśliŭcaŭ rezka skaracili.
Pieralik ilhotnikaŭ składajecca pa ŭzhadnieńni z kiraŭnikom krainy.
U šort-list abjadnańniaŭ, jakim dali lhotu, uvajšli praktyčna ŭsie federacyi sportu, uklučajučy navat… Federacyju holfa. Sa 195 arhanizacyj, jakija zastalisia ŭ śpisie ilhotnikaŭ, 52 — mienavita spartyŭnyja federacyi i abjadnańni.
Siarod ščaślicaŭ i Kamunistyčnaja partyja Biełarusi.
U śpis hramadzkich abjadnańniaŭ, jakim akazvajecca padtrymka,
nie ŭvajšli Tavarystva biełaruskaj movy imia Franciška Skaryny, Zhurtavańnie biełarusaŭ śvietu «Baćkaŭščyna», Biełaruski fond SOS - Dziciačaja vioska, Centralnaja słužba ananimnych ałkaholikaŭ. Lhot taksama pazbavilisia sajuzy nacyjanalnych mienšaściaŭ,
u tym liku praŭładny Sajuz palakaŭ na Biełarusi.
U Dziaržaŭnym kamitecie pa majomaści admaŭlajucca tłumačyć pryčynu, spasłaŭšysia na «niemahčymaść dać infarmacyju».