Zvańnie zasłužanaha majstra sportu dali chakieistu, jaki dyskvalifikavany za ŭžyvańnie dopinhu
Jon atrymaŭ jaho ŭ šerahu hulcoŭ chakiejnaj kamandy prezidenta.
Andrej Michaloŭ, fota goals.by.
«Hanarovaje zvańnie zasłužanaha treniera Respubliki Biełaruś prysvojena Andreju Husavu, zasłužanaha majstra sportu Respubliki Biełaruś — Andreju Astaševiču, Paŭłu Biełamu, Siarhieju Zadzialonavu,
Andreju Michalovu i Hienadziu Saviłavu», — havorycca ŭ aficyjnym paviedamleńni pres-słužby Alaksandra Łukašenki.
Siarod pieraličanych proźviščaŭ źviartaje na siabie ŭvahu Andrej Michaloŭ. 35-hadovy chakieist, jaki raniej hulaŭ za minskaje «Dynama», a taksama inšyja kłuby Biełarusi i Hiermanii.
U mai 2013 dyscyplinarny kamitet Mižnarodnaj fiederacyi chakieja abvieściła ab dvuchhadovaj dyskvalifikacyi Michalova. Sprava ŭ tym, što ŭ lutym taho ž hoda padčas alimpijskaj kvalifikacyi ŭ Danii ŭ kryvi Michalova byŭ znojdzieny zabaronieny preparat – mietyłhieksanamin.
Hetaje rašeńnie možna było abskardzić u mižnarodnym arbitražnym sudzie ŭ Łazanie, ale chakieist vyrašyŭ nie rabić hetaha, a prosta skončyŭ prafiesijnuju karjeru. Dyskvalifikacyja budzie doŭžycca da sakavika 2015-ha.
Varta adznačyć, što heta nie pieršy prykład taho, jak spartsmien, jakoha niekali łavili na ŭžyvańni zabaronienych preparataŭ, ušanoŭvajecca dziejnymi ŭładami. Były małatabojec Vadzim Dzieviatoŭski źjaŭlajecca deputatam pałaty pradstaŭnikoŭ.