U Hrodnie za paŭdnia adbyłosia 32 DTZ
U Hrodna za paŭdnia va ŭmovach mocnaha śniehapadu zafiksavana 32 DTZ.
Pa stanie na 14.00 u Hrodna i vobłaści zdareńniaŭ ź ciažkimi nastupstvami nie zafiksavana.
Dziaržaŭtainśpiekcyja pryviała ŭ dziejańnie śpiecyjalny płan «Nadvorje». Maksimalnaja kolkaść supracoŭnikaŭ budzie nieści darožna-patrulnuju słužbu i infarmavać ludziej ab składanych umovach nadvorja, paviedamiŭ kiraŭnik pres-słužby ŭpraŭleńnia DAI UUS abłvykankama Jaŭhien Dudko.
U DTZ z materyjalnym uronam asnovatvornuju rolu adyhraŭ čałaviečy faktar, nie ŭsie haradžanie zmahli chutka zaryjentavacca i źmianić styl jazdy. Siarod pryčyn avaryj — niapravilny vybar chutkaści, strata kiravańnia aŭtamabilem na śniezie, niapravilna abranyja intervał i dystancyja, rastłumačyŭ Jaŭhien Dudko.
Čakajecca, što śniehapad praciahniecca ŭ vobłaści da zaŭtrašniaj ranicy. DAI zaklikaje kiroŭcaŭ pa mahčymaści ŭstrymacca ad zaharadnych pajezdak.
Dla tych, chto nie moža nie sieści za rul, Jaŭhien Dudko nahadaŭ prostyja praviły pajezdak u zimovy čas: važna nie zabycca ŭziać u darohu termas z haračaj harbataj, ciopłuju vopratku, mabilny telefon, buksirovačny tros, rydloŭku. Abaviazkova nieabchodna pravieryć uzrovień techničnych vadkaściaŭ u aŭtamabili. Asablivuju ŭvahu treba źviarnuć na spraŭnaść akumulatara. U bačku škłoamyvalnika pavinna być zalitaja zimovaja niezamiarzalnaha vadkaść, a na aŭtamabili stajać zimovaja huma.
Kiroŭcam nieabchodna prajavić aściarožnaść i ciarpieńnie, vybirać biaśpiečnuju chutkaść i dystancyju, a taksama ruchacca z uklučanym blizkim śviatłom far.