Aŭtapark abłvykankamaŭ: na čym jeździać čynoŭniki i ŭ kolki heta abychodzicca
Fota: Siaržuk Sierabro, Narodnyja naviny Viciebska. Na biełaruskich aŭtarynkach Audi A8 W12 2010 h. kaštuje nie mienš za 40 tys. jeŭra. Košt bazavaj viersii novaha aŭtamabila - 157.590 jeŭra.
Fota: fara.ru. U aŭtaparku Viciebskaha abłvykankama niekalki džypaŭ Toyota Land Cruiser 100 2006 hoda vypusku. Takaja mašyna na aŭtarynkach siońnia kaštuje 30-45 tys. dołaraŭ. Cana na novy Land Cruiser pačynajecca ad 101.800 dalaraŭ.
Fota: autolider.by U 2008 hodzie niekalki abłvykankamaŭ zakupili aŭtamabili Volkswagen Touareg. Siońnia adna takaja mašyna 2008 h. kaštuje kala 30-35 tys. dalaraŭ. Cany na novy Touareg pačynajucca ad 73.819 dalaraŭ.
Fota: esarlist.com. Audi A8L 2011 hoda vypusku. Ceny na taki b/u aŭtamabil - u dyjapazonie 45-50 tys. jeŭra. Novaja mašyna kaštuje ad 107.735 jeŭra.
Fota: drom.ru Volvo S80 2006-2007 h. - Adna z samych papularnych mašyn u aŭtaparkach abłvykankamaŭ. Siońnia taki siedan 7-hadovaha ŭzrostu kaštuje 15-20 tys. dalaraŭ. Cana na novuju Volvo S80 - bolš za 45 tys. dalaraŭ.
Na dniach niekalki abłvykankamaŭ abviaścili tarhi na akazańnie pasłuh pa ramoncie i techabsłuhoŭvańni aŭtamabilaŭ. AUTO.TUT.BY vyvučyŭ, jakija aŭtamabili stajać u vykankamaŭskich haražach, kolki jany kaštujuć i kolki moža kaštavać ich absłuhoŭvańnie.
Akramia pradstaŭničaha siedana ŭ aŭtaparku Viciebskaha abłvykankama jość jak minimum try aŭtamabila Toyota Land Cruiser 100 (usie 2006 h.), dźvie Toyota Avensis (2007 i 2008 h.), dva Volkswagen Touareg (2003 i 2008 h.), vosiem Volkswagen Passat B6 (2006, 2007 i 2008 h.), Volkswagen Sharan i Volkswagen Caravelle (abodva 2007 h.), Volvo S80 ( 2007 h.) i jašče niekalki bolš prostych aŭtamabilaŭ — marak Skoda i Kia.
Tarhi na akazańnie ŭ 2014 hodzie pasłuh pa ramoncie i techabsłuhoŭvańni aŭtamabilaŭ abviaściŭ taksama Homielski abłvykankam. Siarod łotaŭ — mašyna staršyni abłvykankama Uładzimira Dvornika Audi A8L 2011 hoda vypusku. Madel bolš ścipłaja, čym u Alaksandra Kosinca.
U aŭtaparku Homielskaha abłvykankama, miarkujučy pa aŭkcyjonnych dakumientach, taksama ličacca dźvie Audi A6 (2005 i 2007 h.), dźvie Toyota Land Cruiser (2006 i 2008 h.), dva Volkswagen Touareg (2011 i 2008 h.), Volvo S80 (2006 h.), i jašče niekalki bolš biudžetnych i starych aŭtamabilaŭ, jakija taksama majuć patrebu ŭ biahučym ramoncie i techabsłuhoŭvańni.
Brescki abłvykankam maje patrebu ŭ hetym hodzie ŭ pasłuhach aŭtaservisu dla BMW 750i, dvuch Volvo S80, dvuch Mercedes Je320 (hady vypusku aŭtamabilaŭ, jakimi karystajucca čynoŭniki Bresckaj vobłaści, u aŭkcyjonnych dakumientach nie paznačany). Taksama siarod łotaŭ — Toyota Land Cruiser Prado i Land Cruiser 100 i 200.
Nahadajem, u 2011 hodzie hubiernatar Brestčyny Kanstancin Sumar pierasieŭ z «Land Cruiser» na Audi A8 L (u apublikavanych na dniach aŭkcyjonnych dakumientach hetaja mašyna nie paznačana). Paviedamleńnie ab novym raskošnym aŭtamabili hubiernatara narabiła šmat šumu ŭ internecie. Paźniej stała viadoma, što Audi A8 byli zakupleny dla ŭsich kiraŭnikoŭ abłaściej — pavodle rašeńnia prezidenta.
U minułym hodzie Alaksandr Łukašenka vyrašyŭ zrezać vydatki dziaržvorhanaŭ na aŭtatranspart i padpisaŭ ukaz, u adpaviednaści ź jakim čynoŭniki nie mohuć kuplać słužbovyja mašyny daražej 25 tys. jeŭra ŭ ekvivalencie. Praŭda, limit uviedzieny z ahavorkaj — «kali inšaje nie ŭstanoŭlena prezidentam».
Servis darahich aŭtamabilaŭ, jak praviła, abychodzicca daražej, čym biudžetnych marak. Jak vynikaje z dakumientaŭ Bresckaha abłvykankama, u 2014 hodzie raschody na techabsłuhoŭvańnie i biahučy ramont pazadarožnikaŭ i siedanaŭ pradstaŭničaha kłasa mohuć składać 6-10 tys. dalaraŭ u ekvivalencie na adnu mašynu.
Čym daražej aŭtamabil - tym daražej i strachavy polis KASKO dla jaho. U minułym hodzie Viciebski abłvykankam abjaŭlaŭ tender na poŭnaje KASKO dla słužbovaj Audi Alaksandra Kosinca. Biudžet tenderu skłaŭ 10 tys. dalaraŭ u ekvivalencie.