U Pieciarburhu, pierad 70-mi ŭhodkami praryvu błakady, zdymajuć z prypynkaŭ rekłamu niamieckich brendaŭ
Haradski centr rekłamnaj pradukcyi Pieciarburha razasłaŭ rekłamnym ahienctvam pradpisańnie z 15 studzienia prybrać z častki rajonaŭ horada vonkavuju rekłamu brendaŭ z Hiermanii.
Takoje niečakanaje rašeńnie abumoŭlena nabližeńniem dźviuch znamianalnych dat — 18 studzienia adznačajecca Dzień praryvu błakady Leninhrada (1944), a 27-ha — 70-hadovy jubilej poŭnaha źniaćcia błakady.
Jak piša hazieta «Diełovoj Pieciarburh», źniać rekłamu treba na hałoŭnych mahistralach Pieciarburha — Maskoŭskim, Nieŭskim praśpiektach i inšych, a taksama ŭ rajonie haradskich mohiłak, i tolki na niekalki dzion. Paśla hetaha postery možna budzie viarnuć na miesca.
U «Vołhobałt Miedia» paćvierdzili, što faks byŭ, i paviedamili, što pryjšłosia ź piaci prypynkaŭ transpartu prybrać rekłamu MediaMarkt. Strat apieratar nie panios, kantrakty ŭdałosia pierahledzieć.