U dačynieńni da homielskaha kiroŭcy aŭtobusa zaviedziena kryminalnaja sprava
Jon padazrajecca ŭ «parušeńni praviłaŭ darožnaha ruchu abo ekspłuatacyi transpartnych srodkaŭ», paviedamiła aficyjny pradstaŭnik abłasnoha ŭpraŭleńnia Śledčaha kamiteta Maryja Kryvanohava.
Jak paviedamlałasia, učora ŭ centry Homiela na vuł. Savieckaj adbyłasia avaryja aŭtobusa №17. Padčas ruchu pa maršrucie jon raptam vyjechaŭ na tratuar, u vyniku čaho pad kołami aŭtobusa akazałasia piešachod — 43-hadovaja žančyna, jakaja zahinuła na miescy zdareńnia.
Taksama paciarpieła pasažyr aŭtobusa, jakaja atrymała pierałomy pry vychadzie z sałona paśla avaryi. 59-hadovaja žančyna była špitalizavana ŭ balnicu chutkaj miedycynskaj dapamohi.
40-hadovaha kiroŭcu aŭtobusa paśla avaryi dastali z vadzicielskaha miesca. Pavodle papiaredniaj infarmacyi, jon znachodziŭsia ŭ nieśviadomym stanie.
Mužčynu dastavili ŭ miedustanovu dla miedycynskaha ahladu i ŭstanaŭleńnia mahčymych zachvorvańniaŭ, jakija mahli pryvieści da rezkaha paharšeńnia samaadčuvańnia.