U aficyjnym Sajuzie piśmieńnikaŭ uvodziać pasadu «hanarovaha staršyni». Dla Čarhinca?
Dniami prajšoŭ plenum aficyjnaha Sajuza piśmieńnikaŭ Biełarusi. Jak paviedamlaje resurs «Litkrytyka.by», u jaho statucie źjaviłasia novaje pałažeńnie:
uviedziena pasada «Hanarovy staršynia hramadskaha abjadnańnia «Sajuz piśmieńnikaŭ Biełarusi».
Na takuju pasadu moža pretendavać tolki adzin čałaviek: Mikałaj Čarhiniec, jaki ŭznačalvaje arhanizacyju z momantu jaje zasnavańnia ŭ 2006 hodzie.
Pasada «hanarovaha staršyni» sustrakajecca ŭ hramadskich arhanizacyjach dastatkova redka. Zvyčajna jaje ŭvodziać dla taho, kab nie pakryŭdzić papiaredniaha kiraŭnika, jakoha adpraŭlajuć na piensiju. Naprykład, takaja situacyja nazirałasia ŭ Abjadnaj hramadzianskaj partyi. Paśla taho, jak lidaram u 2000 hodzie byŭ abrany Anatol Labiedźka, papiaredni kiraŭnik, Stanisłaŭ Bahdankievič, staŭ hanarovym lidaram partyi.
Uličvajučy, što ŭ kastryčniku minułaha hoda Čarhincu spoŭniłasia 76 hadoŭ, nieŭzabavie ŭ Sajuzie piśmieńnikaŭ moža źmianicca kiraŭnictva.